بلياتشو راجع من شغله

مسكين مش شايف قدامه????

دة حتى مش شايلاه رجله

تعبان بيقاوح ف الامه????

و يدوب اتغدا و راح تنبل

اصل مراته اكلها يهبل????

اه يا طعامته

شاطرة مدامته

و استاذن قال ايه هيقيل????????

و يدوب ف النوم نعست عينه

راح قام مفزوع????

الجار قال ايه الله يعينه 

شباكه مخلوع????

و اهو داير دق????????

حاجة تزهق????

و كمان النوم اهو بقى ممنوع

و الشارع دوشة كمان برضو

منها مسلمش

و تحس الازعاج بيطارده

علشان مينامش

واحد بينادي يقول يا كرنب

و الواد ميدو بيفرقع بمب????

و خناق و زعيق

حاجة اخر وش????

و كمان واحد ماشي يخبط

بيقول انابيب

و تكاتك رخمة بتستعبط

بتقول بيب بيب????????

واحدة تزغرط

عيال بتعيط????????

و حمار بينهق على صوته ????

بتقوم زعابيب

بس يا عالم نفسنا نرتاح

اهدوا شوية

دي الدنيا تعب و مرار و كفاح

ناقصاش هيا

و هتعمل ايه بس يا بليا

حتى التعسيلة بقت غالية????

لما تموت بقي يمكن ترتاح????