بلياتشو كأب لذيذ و حنون????

راح ياخد اولاده ف رحلة????????

هيشاهدوا فيها جمال الكون????

و بلمتهم هيكون احلى????

جهزوا تراميسهم و شاياتهم☕

 لبسوا ترنجاتهم و كاباتهم

و بسرعة اتكلوا على المولى

نزلوا من بيتهم بيغنوا ????

و عيونهم فيها فرحة جميلة????

وقفوا ف الشارع و استنوا

و كعادته زحمة يا دي النيلة????

دوشة كلاكسات

ضحك معاكسات

اخلاق الناس حاجة ثقيلة????

بلياتشوا قال " راح نتمشا"

و اهو حتى نوفرلنا قرشين????

و بتمن الاوتوبيس نتعشا

دة المشي مفيد قوي للرجلين

و قالوا الحركة

مليانة بركة

و تعيش العمر بصحة متين????????

بس الشارع غرقان يا لطيف????

مواسيره ضربت و الريحة جنان????

دول حتى مش لاقينله رصيف

لجل ما يتمشوا عليه بامان

رصفه مكسر

كله اتحفر

و زبالة حوالينا ف كل مكان

طيب راح نعمل ايه يا ولاد

دة اليوم عدى و الليل ليل

انا رايي نحدد غير دة معاد

و لعل الاحوال تتبدل

سنة او سنتين

يمكن عشرين

و لا بلاش اصلا نتنيل????