التسامح والمحبة لهم مسمى أخر وهو "إدارة القوة"

بمعنى أن اذا شخص أتسبب فى أذى لينا أحنا وقتها ممكن يكون عندنا القوة إننا نعمل رد فعل يأذيه أو ننتقم منه .. ولكن كل ما كان عندى تسامح أكتر ومحبة أكتر وقتها بأكون قدرت أسيطر على قوتى !!!

كل الأديان السماوية بتطلب مننا المحبة والحلم ...

المسيح عليه السلام قال "أحبوا أعدائكم"

كل شيئ فى الحياة بنقدمه بيرجعلنا أضعاف ...

بمعنى أذا أنا قدمت غضب وعنف بيرجعلى غضب وعنف وبيكون الضعف ...

وإذا قدمت محبة وتسامح بترجعلى محبة وبتكون أضعاف ...

المسامحة معناها أنك شخص قوى مش ضعيف

ولكن هذا لا يعنى أنك تسمح لأى شخص لمجرد أنك سامحته أنه يتسبب لك فى أذى مرة أخرى .. 

سامح علشان تعيش فى سلام نفسى .. علشان تجذب لنفسك المحبة والسلام ... ولكن لك الحق فى أنك بعد ما تسامح من جواك بصدق تبعد الشخص اللى بيأذيك .. ما تسمحش لحد يستمر فى أذيتك أو أنه يكرر معاك نفس الخطأ .. لأن ده معناه أن أنا عندى عدم تقدير للذات ... 

لازم نتعلم نقول لأ ولكن بمحبة وبتسامح ... 

مفيش حد فى الدنيا كامل وبالتالي الشخص اللى أذانى هو عنده مشكلة ... وإذا فكرنا بالطريقة دى ... حانقدر نوصل للتسامح بسهولة !!!

pranichealing