مفيش علاقة فى الكون أيا كانت شكل العلاقة ايه حب . زواج . أصحاب ..
مش بيحصل فيها اختلاف وبعض المشاكل .. ودى أكتر حاجة بتقوى العلاقة وبتحسسك قد إيه الإنسان ده غالى عليك ..
بس عارفين مشكلتنا فين ؟؟؟
أنا أقولكم ....
أولا كلنا متخيلين أو عايزين حياة ملائكية .. حياة خالية من
أى مشاكل أو خلافات وده مش منطقى ..
ثانيا بقه ودى الأهم والمهم ...
أننا لما بتحصل بيننا مشكلة مع الطرف الأخر وكل واحد بيكون
لوحده أول حاجة بنعملها فى أفكارنا أننا بنفضل نتكلم عنه
بشكل سلبى بنفتكر كل موقف سلبى حصل بيننا قبل كده ..
بنفضل طول الوقت وقبل ما نتصالح نقول ده وحش ده عمل معايا كذا وكذا .. ده مش بيحبنى .. ده مش بيحترمنى .. ده بيعمل كده علشان أتغير وعلشان وعلشان وعلشان ...
وده بقه أكتر حاجة بتخلينا نجذب الأفكار السلبية وبنوصلها
كمان للطرف التانى وتفضل المشكلة تكبر وتكبر وتكبر ...
بس اقولكم حاجة ..
عارفين اذا غيرنا طريقة تفكيرنا .. بمعنى أيه ؟؟؟
يعنى اذا حصلت مشكلة وانفعلنا وخلاص بقه طلعنا كل الجنان
بعدها أفكر فى حاجتين
أولا أفكر اذا انا فى مكان الطرف التانى أحب يحصل معايا ايه فى الموقف اللى حصل .. ووقتها تقييمك للموقف حايختلف
ثانيا افتكر الحاجات الحلوة بيننا .. أفتكر قد ايه هو بيحبنى
قد ايه هو كان حنين عليا فى مواقف كتير .. قد ايه كان دايما
بيخاف عليا .. افتكر ذكريات حلوة بيننا .. افتكر صفاته ومميزات
اقول جوايا .. لأ هو طيب وحنين وجدع ..
وقتها بس مشاعرنا الايجابية هى اللى حاتغلب كل السلبيات وكل مشكلة حاتتحل وتعدى بكل سهولة والعلاقة بتبقى أجمل وأحلى
غيروا طريقة تفكيركم .. غيروا أحساسكم .. غيرو طريقة تعاملكم مع المواقف .. أكيد الحياة حاتكون أجمل ...
ويا رب حياتكم كلها تكون أجمل 
2
-2
