ناس كتير أوى من اللى الظروف أضطرتهم أنهم يسلكوا طريق مش صح أو يسرقوا أو ينصبوا ..

حقيقى كان غصب عنهم .

بجد أحنا فى عالم غريب .. عندنا قدرة فظيعة أننا نحارب الناس اللى عايزة تنجح ..

أننا بكل سهولة نقطع عيش حد شاطر وشايف شغله وبيعمله بحب علشان بس مش جاى على هوانا ..

أننا لما نلاقى حد بيعافر وبيحاول ينجح .. نحاربه أو على الأقل ما نشجعهوش وما نقفش معاه وندعمه ..

نستخسر حتى أننا نقف جانبه .. نستخسر حتى أننا نكون معاه .. نستخسر أننا نسانده ..

لكن بنروح نساند ناس أصلا ناجحة ونفخم فيهم أكتر ..

بنقف جانب ناس عندها ناس فى ضهرها أصلا .. عندها أهل واقفين معاها .. عندها أمكانيات تنجح وتتقدم ..

بنروح نشجع ناس مش ناقصها حاجة علشان نلمع جانبهم أكتر ..

نلمع فى اللى أصلا هو بيلمع .. نساعد اللى عنده مليون حد بيساعده ..

وبنرجع نلوم الناس اللى بتغلط واللى بتضطرها الظروف أنها تنهار وتدور على أى مخرج ..

للأسف الشديد ماعندناش رحمة ببعض ..