المعاش فوق 35

ناس كتير بتعانى من التخلف اللى موجود فى البلد وفى الناس  

...

تيجى لواحد أشتغل فترة فى شركة معينة وساب شغله . ييجى بقى يدور على شغل يلاقي نفسه فى وسط ناس مش طبيعية .

اللى يقوله أصل أنت خبرتك فى مجال مختلف .. 

واللى يقوله لا والله أصل أنت سنك أكبر من 35 سنة ..

بلد عايزة يتولع فيها بصراحة .. شعب وناس أصحاب أشغال محتاجين يتعالجو .. 

مش عارفة فى أنهى بلد بنقول للناس اللى أشتغلت فى مجال معين وفكرت تشتغل شغل تانى أنها تموت .. أنها تنهى حياتها بالبطئ علشان عقليات مش طبيعية ..

فى أى بلد بنقول للشخص بعد 35 سنة أنت كده طلعت معاش روح موت .. روح أدفن نفسك بالحياة ..

طيب يا أصحاب الشركات والمشاريع ويا أصحاب المناصب العليا والغير عليا .. مكملين ليه فى حياتكم العملية.. مكملين ليه فى مناصبكم وأشغالكم.. ما تروحوا بقى تتكهنوا وتتركنوا على الرف .. هو مش أنتم خلاص عديتم ال 35 سنة .. ماسكين فى الشغل والسلطة والشركات والجمعيات الأهلية ليه .. 

ولا علشان ربنا كرمكم وعطاكم رزق فا تبقوا ناس أنانية. متسلطة ومستبدة ..

معلش سؤال غبى شوية .. 

هو حضراتكم لما أتولدتوا كنتم نازلين معاكم شهادات خبرة فى شغلكم ..

هو أنتم لما أشتغلتم وأخدتوا مناصب كنتم معاكم خبرة 

هو أنتم لما فتحتوا شركات ومؤسسات وجمعيات كان معاكم خبرة ..

العالم كله بيشغل الناس بشهور تدريب علشان يعرف قدراتهم واذا نجحوا فى الشهور دى بيكملوا ..

لكن اللى بيقول الرد ده لواحد ولا لشباب عايزة تكمل حياته وشغلها يبقى أنسان أنانى . يبقى حد مش،مقدر نعمة ربنا عليه 

بتقفلوها فى وش الناس وناسيين أن ربنا هو اللى فاتحة فى وشكم .. ناسيين أنكم مهما أمتلكتوا فا أنتم لا تملكون شيئ .. كله ملك لله .. 

نسيتوا أن اللى وصلتوله ده بتوفيق من ربنا مش أكتر .. مش بشطارتكم بس . لولا ربنا كان معاكم ماكنتوش وصلتوا لشيئ ..

كل واحد عنده منصب ولا سلطة ولا معارف بيستخسر يخدم حد .. بيتكبر وناسى أن ربنا هو اللى وهبه كل ده . وممكن فى لحظة مايبقاش موجود ..

بيفكر قبل ما يساعد ويخدم .. يا ترى جاي من ورا الخدمة دى مصلحة .. طيب الخدمة دى فيها شو وناس تصفق وشهادات تكريم ودروع 😅😅 .. طيب الخدمة دى حاقدر أشيل بيها الضرائب عن شغلى وشركاتى . . طيب اللى خدمته ده حاستفيد من وراه ...

غير كده بلح بلح بلح 

الجمعيااااااااات اللى بتخدم بلح .. اللى بياخدوا ألقاب الخير والأيادى البيضاء بلح .. كله مصالح من تحت لتحت ... من خلف الكواليس ...

الناس فى أمريكا بيروحوا يقدموا على أشغال وهم عندهم 60 سنة وبيتقبلوا عادى .. 

مش أحنا شعب عايز سيول بنزين ويتولع فى البلد من أساسه ...

شعار البلد دى لازم يبقى .. بح