لغة البتاع

🟦 معلومه لغويه 🟦

            🟦 بلاغة العامية المصريه الدارجه 🟦

             🟥 فلسفة المجتمع ولغة (البِتَاع) 🟥

🛑- صحيح أهل الفصاحة يفاخرون الدنيا بعبقرية لغتنا العربية الجميلة حيث تعبّر الكلمة الواحدة عن معان متعددة لا يفهم معناها الا من خلال السياق .

🛑- وفى الوقت نفسه يعبر عن المعنى الواحد بألفاظ متعددة لكل منها ملمح شديد الدقة لبيان المعنى المطلوب .

🟥- فان أهل العامية المصرية من حقهم أن يفخروا بلفظ "أنيق" و "عبقري" فى اللغه الدراجه الذكيه وهو لفظ  

                                ▪️ "البِتَاع" ▪️

         🔴وهذه أمثله من إستخدامات "البِتَاع"🔴

▪️1️⃣- "البِتَاع" يستخدم للاشارة الى شئ معلوم فى ذهن المتكلم و المخاطب فقط : هات (البِتَاع) !!

▪️2️⃣- اذا استشكل الامر على المخاطب :

 يقوم المتكلم بحل الاشكال بجعل البتاع مضافا و مضافا اليه فى وقت واحد : (بتاع البِتَاع) !!!

▪️3️⃣- "البِتَاع" يستخدم أيضا بمعنى كلمة صاحب : 

نادى يابنى على الراجل (بتاع الفول ) !!!

▪️4️⃣- يستخد "البِتَاع" للاشارة للملكية :

 الكتاب ده يا اولاد (بتاع ) مين ؟!! ، البدله دي "بتاعت" فرحي !!

▪️5️⃣- يستخدم "البِتَاع"للتخصيص : 

والنبي يا ماما حضرى لي الطقم (بتاع) الكورة !!!

▪️6️⃣- يستخدم "البِتَاع' للدلالة على الغرور :

 يا أخي دا عامل فيها (بتاع) !!

▪️7️⃣- يستخد "البِتَاع" لشتم المخاطب :

 انتا يا (بتاع) إنتا !! ، (وأيضا للغائب : ما تخليش حتة (بتاع) يتنطط عليك ، ويستخدم للتقريب : عنده (بتاع ) 25 سنة !!

▪️8️⃣- يستخدم "البِتَاع" عندما تهرب الألفاظ من المتكلم : رحنا واتكلمنا .. (و بتاع كده) ، ويستخدم أيضا للشكوى : هوا (البتاع ده) هايقعد كاتم أنفاسنا ولا إييه ؟!

▪️9️⃣- يستخدم "البِتَاع" للدلالة على القضاء و القدر : الطبيب للمريض أو لأهله (والله دى حاجة بتاعة ربنا) !

▪️🔟- يستخدم "البِتَاع" للدلالة على الصدقات : 

الأب أو الأم للأولاد (اوعوا حد يقرب للحاجة بتاعة ربنا) ، وايضا يستخدم للتعبير عن الصفاء و الطيبة (وأحيانا الدروشة) : بجد الراجل ده (بتاع) ربنا !!

🟩 للعلم هذا البوست مقصده :

"بلاها كلام فى السياسة .... بلا بتاع"‼️😂