#لا_للعنصرية
من اكتر الحاجات اللي بكرهها في حياتي
هي العنصرية
العنصرية في كل حاجة عموما
الدين طبعا اولا وثانيا الكرة????
وطبعا اللون والشكل وقيسوا على كده كل حاجة
وبمناسبة العنصرية عايزة احكيلكم حكاية
انا بنت ميت عقبة البارة????
عشت عمري كله فيها وبحبها جدا
ابويا من سكان السيدة زينت"مدد ياستنا"
لما حب يتجوز اختار ميت عقبة خصيصا لانه زملكاوي اصيل وعتيد وعنيد????
وانا الكبيرة وورايا اخواتي الصبيان
طبعا لكم انت تتخيلوا انا عشت ف بيت زملكاوي صرف ومنطقة زمان كان لا يمكن يبقى فيها اهلاوي????
بس انا طول عمري احساسي وحاجة دفينة جوايا مخلياني غير متقبلة الزمالك دا بتاتا
حاولت اجاهر بدا قدام اخواتي
فتنوا عليا لابويا ????
وكانت مواجهة شرسة وعنيفة واول مرة ابويا يكلمني بالعنف دا وعروقه نافرة
ويهددني اني لو قلت كده تاني حتى لو على سبيل الهزار هيبهدلني ويمد ايده عليا
وهو احقاقا للحق عمره ماعملها
بس امي حاشت عني عصبيته وقالتلى ابوكي مجنون زمالك ملكيش دعوة بيه تاني يابنتي ف الناحية دي
وتعدي سنين وابقى ف ثانوية عامة
وكان عندي مراجعات في بيت جنب بيت مرتضى منصور ايام ماكان ڤيلا
وكنا مسمينها البيت الابيض لانها كانت كلها بيضة????
المهم في اليوم المكحول دا كان في ماتش للاهلى والزمالك وكالعادة طبعا الزمالك خسر????
وطبعا على ايامي مكنش في موبيلات
ويشاء السميع العليم ف اليوم الاخبر دا
كنت لابسة بلوزة حمرا فكراها كويس????
وتليفون بيت البنت اللي كنت باخد عندها درس الفلسفة يرن
والام تدخل مذعورة عليا وتقولى
سالي ارجوكي متنزليش بعد الدرس
ماما جاية تاخدك ????
انا ذهلت جدا وقولتلها ليه ياطنط؟
الست قالتلى ياسالي من فضلك انتظري ماما هنا ومتقلقيش
وفعلا مفيش عشر دقايق ولقيت الباب بيخبط
وامي دخلت وعلى وشها كل امارات الفزع
وماسكة بلوزة غامقة وبتقولى بسرعة ياسالي البسي دي عشان ننزل
طبعا انا مش فاهمة هو في ايه
بعد استفسارات كتير مني
ماما قالتلى
مشجعين الزمالك المجانين????????
ماسكين شوم وعصيان وبيكسروا اى عربية حمرا معدية وبيضربوا اى حد لابس احمر????
والشباب قالولنا وانا وابوكي اترعبنا عليكي جينا جري
الموقف دا انا منسهوش ف حياتي
وخاصة واحنا نازلين لما بصين لابويا شزرا
وقولتله فرقة زبا....ومشجعين بلطج.....????
صراحة الراجل مفتحش بوقه من كتر عصبيتي????????
وتعدي السنين والايام وتتوفى امي وابويا واخويا
السلام والعتق لروحهم وروح كل الاموات????????
واشوف مشجعين للاهلي ف ميت عقبة
وبردوه في احد الماتشات
لبسوا كلب فانلة الزمالك????
وكان تصرف احمق معجبنيش نهائي ونددت بيه مع الشباب اللي عملت كده
الحقيقة الموقفين اسوء من بعض
انا احتراما لاهلى ولاني برفض العنصرية
عمري مااغلط ف الزمالك
برغم اني اهلاوية جدا واخيرا بعلنها بحرية ????
حبوا بعض ياولاد
ونتقبل اختلافنا
ومفيش اى داعي للخلاف
انا شخصيا وقبل الماتش بقول مبروك للفايز ايا كان????
2
-2
