وإنت ماشي كدة والحياة بتلطش فيك يمين وشمال هتتعلم كتييير أوي..

 هتتعلم إن مش كل حاجة حلوة لازم تدوم... ولا كل حاجة وحشة بتستمر ..

هتتعلم إن في ناس هتكون مراحل في حياتك هتيجي لغرض يعلمه الله وهتمشي ..

فيه منهم اللي هيختفي من حياتك وتفكيرك ، و زي ماجه زي ما راح .

وفي منهم اللي هيسيب أثر جواك و هيعلمك في اللي جاي حاجات كتير..

 هتتعلم من الناس إللي جرحتك وخذلتك ، وهتتعلم حتي من إللي إنت جرحتهم ومكنش ليهم ذنب غير انهم صدقوا أحاسيهم واتشعلقوا فيها.. 

وهتتعلم بردو مين إللي تبكي على كتفه ، ويكون ليك إيد قوية تسندك..

 وهتتعلم إن ساعات لازم تمسح دموعك بإيدك انت وبس !!

هتتعلم تحب طول ماقلبك بيدق..

 وهتتعلم تفارق وتفقد جزء من روحك الحلوة وبرضو هتكمل،وهتشوف الدنيا وهي بتدور وتعلمك إن الشيء الوحيد الأكيد إن مفيش حال بيدوم !!

عشان كدة دايمًا بقولكم اشحنوا بطاريتكم بالحب عشان قلبكم يفضل عمران بالحب ونلتقي دايمًا على حب❤️