طبطب على نفسك طمنها ومتخوفهاش

عرفها إن الدنيا دي دنيا ولازم تتعاش

اتعلم تغلِب أحزانك وتعيش أيامك علشانك

وإحلم بس إمسك أحلامك متضيعهاش

وإحلم على أدك أحلام ينفع تتعاش

والجرح اللي ف قلبك علِم إعتبره مجاش

متاخدش الدنيا بعصبية واستنى عالفرحة شوية

الفرحة دى لازم جاية بس انت متستعجلهاش

ولو كنت تفكر ف الآخرة قفل عالدنيا ومتعشهاش

الدنيا أهى دنيا وفانية ولو بإدينا نقولها بلاش

الفرحة بجد دي ف الآخرة هي اللي حقيقي هتتعاش