أوقات كتير بسمع ناس بتقول أنها مش بتندم خالص على حاجات عملِتها غلط .. بس أنا بصراحة مش من الناس دي !! أنا بغلط وبندم جدًا , ممكن اندم عشان إختيار غلط إختارته , أو عشان كلمة قولتها مش في وقتها، أو حتى كلمة كان نفسى أقولها ومقولتهاش.. ومش شرط أندم عشان غلطت في حد ,ممكن أندم عشان مشاعر فياضة إديتها لمن لايستحقوا وكنت بعاملهم وكأنهم من دمي، ممكن أندم عشان دخْلّت حد في حياتى وأذاني أوي ، وهو أصلاً مكنش أهل لها ،وساعتها بندم أوي .... وكتير بندم أني فات عليّ وقت صلاة فرض ، أو أني كنت ناوية أعمل خير في وقت معين وسهىّ عليَّ مثلُا ..عشان كدة عيزاكم تخلوا بالكم من اختيارتكم ..خلوا بالكم من كلامكم .. خلوا بالكم من الفرص اللي ممكن تضيعوها والوقت اللي بيفوت بسرعة .. خلوا بالكم من لحظات الضعف بصمتكم وخجلكم.. إغتنموا الفرص قبل ماييجي الوقت اللي مينفعش فيه الندم....
2
-2
