قولوا للناس حُسنًا

- الكلام الحلو بيفرق جدًا ، قادر يغير نفسيتك من شخص مُكتئب لشخص مُبهج ، يخليك تبتسم من غير سبب ، الكلام الحلو بيطبطب على القلب ، بيفتح النفس ويخلى أفكارك إيجابية جدًا ، متبطلش تقول كلام حلو لأى شخص ، حقيقى بتفرق لما تشوف شخص لابس حاجة جديدة وتقوله إنها جميلة عليه ، وقتها هيحب الحاجة دي وهيحب نفسه ويحبك أكتر ، لما تشوف شخص عمل حاجة مهما كانت تافهة بالنسبالك بس لمُجرد إنك تقوله قد إيه إنها حاجة عظيمة هتفرق معاه وإن كلامك ده كان تقدير لتعبه فيها ، لو مش هتقدر تساعد إللي قدامك بأى شئ فـ كفاية إنك تحاول تساعده معنويًا بكلام لطيف ، في أشخاص كتير إنتحرت لمُجرد إنها ملقتش إللي يسمعها أو يحتويها حتى بكلمة أو بحُضن ، فـ سيب أثرك في كل شخص ولو بكلمة حلوة وهتتفاجئ بشعور السعادة من غير سبب هتبقى مبسوط لوحدك من غير أى موقف حصلك ، علشان ربنا هيجبر بخاطرك بسبب أثرك إللى سيبته في قلب كل شخص 💙 

قولوا للناس حسناً ،فالكلمة الطيبة صدقة ..