متفضلش تعاتب ف نفسك وتقول أنا أهبل وغبي لأني بسامح الناس كتير وبكون جدع وبيقابلوا طيبتى بقسوة وغدر 😔

إنت اللي زيك المفروض يكون فخور بقلبه وكيانه ف الدنيا دي
ومقامه الكبير عند ربنا وجايزته الكبيرة اللي متحضراله ف الآخرة 💛❤️

قال رسول الله (ص)” حُرم على النار كل
هين ، لين ، سهل ، قريب من الناس” 💛❤️
تخيل النار متمسش جسمك لمجرد إنك كنت سهل ف تعاملك مع الناس
سهل ف رضاك لما شخص قالك أنا آسف مش هكررها تاني 💛❤️
سهل ولين لما كان جواك كلمة صعبة عارف إنها هتأذي قلب فكتمتها
ومردِتش على صاحبها ف دنيا بيتنافس فيها البعض بمين يكون لسانه أطول !😏
سهل ف البيع والشراء وف كل حاجة ترضي ربنا مع البشر 💛❤️
هين ولين وسهل لما بعدت عن شخص من سكات , لا بصريخ
ولا بزعيق ولا بفضيحة ولا معايرة وتلقيح.. ولا بتهون عليك العشرة ولا
ربيت جواك دوافع انتقام وكره ، وبتسامح أى حد وبتسيب الباقي على ربنا 💛❤️
هين ولين وسهل لما نافسك شخص ف إنه يحرق
دمك وحسس نفسه إنه انتصر عليك , ف حين أنك عاملته
بالأدب الرباني ” وَإِذَا خَاطَبَهُمُ الْجَاهِلُونَ قَالُوا سَلامًا ” 💛❤️

أنت بطل ياابني وف نعمة جميلة ربنا رزق قلبك بيها وتستاهل الفرحة.
فمن جواك إفتخر بقلبك وبفطرتك السليمة اللي بتحارب علشان متتشوهش..
#وأحلى صباح نعناع🌱🌱 على قلبك الجميل