الحقيقة اللي لازم تعرفها في زمن السرعة والسوشيال ميديا، بقى الطبيعي إننا نسمع جملة من النوع ده:
"ارفع أي فيديو وخد عليه فلوس!"
والناس، طبيعي، بتجري ورا الأمل ده… بس فيه حاجات لازم تتقال.
ان الحقيقة المٌرة هي مش أي فيديو هتعمله هيكسبك، ومش أي منصة بتوعدك بالربح هتدفعلك فعلًا!
اللي بيقولك "ارفع وخد فلوس على طول" غالبًا بيخدعك أو بيستغلك.
ونصيحة احذر من. المواقع الوهمية اللي تطلب منك تسجل بياناتك أو تدفع "اشتراك صغير" علشان تبدأ تكسب!
اوالمنصات الغريبة اللي تقولك "اربح فورًا" لكن أول ما تشتغل، تلاقي إن الفلوس محجوزة أو لازم توصل حد أدنى مش منطقي.
وكمان فيديوهات اليوتيوبرز اللي بيضحكوا على الناس ويقولوا "أنا كسبت 1000 دولار في يوم!"… وسايبين الحقيقة ورا الكاميرا.
لو عايز تعرف الحقيقة فين ومين ..أنا هقولك اللى عرفته وفهمته هو أن
المنصات المحترمة زي يوتيوب – تيك توك – إنستجرام – سناب شات بتدفع، لكن بعد مجهود، شروط واضحة، ونشر مستمر.
مش قصة "فيديو والسلام"، ده شغل محتوى حقيقي وملتزم.
ونصيحتي ليك بجد من قلبي عشان ميتنصبش عليك او تقع في فخ الوهم.
لو عندك موهبة حقيقية أو شغف بالمحتوى، اشتغل عليه بضمير وادخل المنصات الصح.
لكن لو بتدور على المكسب السريع، اعرف إن الطريق ده فيه ناس كتير وقعت وتعبت وخسرت كمان.
مش كل باب معمول للرزق… في أبواب معمولة للنصب!
اشتغل على نفسك، طوّر محتواك، وابني جمهور حقيقي.
ابدأ صح… تكمل صح.
وخلي بالك دايمُا من الطريق اللي فيه فخاخ متغطية بـفلوس وهمية".
وخلّي بالك برضو … مش كل حاجة بتلمع تبقى دهب.
ودمتم بخير..
---
1
-1
