في بوستات كتير بتنتشر اليومين دوول معناها إن مفيش صاحب بيتصاحب وان مفيش غير العمود الفقري هو اللي بيشيلك وان محدش بيعرفك غير وانت برنس لكن لما تقع محدش بيسندك . 

ده غير الكلام اللي بيتكتب علي ضهر الميكروباصات زي لو مفيش فلوس مفيش صديق

الكلام اللي بالنوعية دي بيخليك تتقمص دور الصقر الجريح.

وللأسف الكلام ده بيلم لايكات كتير جدًا...و ناس كتير بتشيره.

الكلام ده مش حقيقي .... كل واحد فينا قابل حد ساعده أو وقف جنبه أو علمه حاجة بدون مقابل....

 وفي قصص بين الأزواج أو الأهل مليانة تضحيات ...

وفي قصص صداقة وإخوة مليانة جدعنة جامدة جدًا .

طبعًا لا يخلو العالم من الأندال ...

 لكن إنكار الإحسان وإشاعة المعاني دي بين الناس بتهد المجتمع ... 

وكمان بيزعل منك الناس اللي وقفوا جنبك في يوم من الأيام..

فخليك انت الصاحب اللي بيتصاحب وإبعد عن الأندال لان الطيور على اشكالها تقع..

يومكم حلو زى قلوبكم الحلوة😉