في ناس بتحب تعيش دور الضحية ،مدمنة استعطاف الآخرين 

بتحب تحكي مشاكلها علشان يتقال لها ياحرام ..ياعيني.. 

على فكرة انا مش بقلل من حجم المشكلة اللي عندها ولكن هي بتركز اكتر علي الاستعطاف لأنه بيشبِع حاجة جواها 

بتحس انها متشافة اكتر لما تعيش فعلًا دور الضحية.

بتحس ان في حد مركز معاها 

وبتهرب من تفاصيل كتير وجعاها ..

لو انت من الناس دي خلي بالك لان الاستعطاف ده مش حل ، الناس فيها اللي مكفيها ، ولو سمعِتك مرة هتهرب منك الف مرة ، لان قلبها بقا جامد من كُتر ماشافت وجع فمبقتش مستحملة تتعاطف مع ناس اساسًا مش عايزين يحلوا مشاكلهم أو يطوروا نفسهم وكل همهم ان الناس تشفق عليهم بالاستعطاف .. خدها مني بجد اللي هيشبعك حقيقي هو انك تتعافي من اللي واجعك وانك تسدد احتياجك صح وتلجأ لربنا هو وحده اللي هيخرجك من كربك ، دا الشكوى لغير الله مذلة..