إحفظ الله يحفظك

قبل ماتكون واثق من نفسك خليك واثق في ربك انه جنبك وعمره ماهيسيبك،ودايمًا هيساعدك بكل اللي نفسك فيه،بس إدعي ربنا وهو هيستجيب لانه مش بيضيع تعب حد بيحاول يجتهد عشان يوصل ،فحاول مهما الناس احبطوك وقالولك انك مستحيل تنجح وهتفشل ، اعرف ان ربنا اكبر من الكل ودايمًا اشتكي لربنا مش للتاس لان ربنا هو اللي عالم بحالك فإرمي همومك عليه ،هو سندك مش أى حد تاني.ربنا أولى وأحسن أنه يسمع منك همومك ويحب أنك تدعيه وترفع ايدك للسما وتناجيه فالدعاء بيغير القدر وهتلاقيه بيحققلك اللي نفسك فيه ختى لو اتأخر عليك فهو عارف إمتى الوقت اللي يفرحك فيه ، عايزة اقول أن الصلاة والدعاء والرجاء بيحققوا المستحيل فمتبقاش تايه ومش عارف الطريق مع أنه ادامك ،هو الطريق الى الله اللي بيه هتحقق كل ماتتمنى لان ربنا مش بيقفل بابه في وش حد، هو ممكن يكون إختبار ليك لما يأخر عنك حاجة بتتمناها وبيشوفك هتصبر ولا هتتذمر ، فإذا كنت من الصابرين هيفتحها في وشك بشكل يبسطك طول حياتك كما قال النبي صلى الله عليه وسلم (لايصيب المسلم من نصب ولا وصب ولاهم ولا حزن ولاأذى حتى الشوكة التي يشاكها 

الا وكان له بها أجر) فخليك مؤمن بتدابير ربنا في الحياة وإن شىء واحد ممكن يغير حياتك زى شغل جديد او فرحة بحد تقابله وتكمل حياتك معاه فكل دة تدابير ربنا اللي هتفضل محاوطاك طالما انت بتلجأله وبتدعي دائمًا فأحفظ الله يحفظك ماحييت..