عزيزي الأهلاوي اللي بتضايق الزملكوية بتجاوز ...
أولا: أنا أهلوية أبا عن جد وأعمام كمان ...يعني أهلاوية صميمة ❤ وعمرهم ما ضايقوا حد بطريقة فيها تجاوز أو قلة أدب اللهم هزار لطيف رايح جاي مع أصدقائهم مع ملاحظة إن أيامهم كان في كورة متزنة في مصر وكان الزمالك في عز عنفوانه فكان بيبقى الماتش ماتش وبستمتع باللعب اللي هو المهم.
ثانيا: أنا أتعلمت أشجع اللعبة الحلوة وأفرح عادي لو الزمالك لعب كويس وفاز لأني استمتعت باللعب وعشان أصحابي الزملكوية فرحانين وده كفيل يفرحني.
ثالثا :اللي فازت إمبارح مصر فمن حقنا كلنا نفرح ولو كان الزمالك كنا حنفرح برضه...وكبوة الزمالك دي حاجة تزعل مافيش في العالم فرقة طول الوقت بتفوز وفرقة طول الوقت بتخسر الدول فيها فرق بتتنافس ومتعة الماتش إنك مش عارف مين هيكسب ومين حيخسر فالكورة المصرية خسرانة كتير بكبوة الزمالك اللي بالمناسبة الأهلي مالوش دعوة بها الزمالك محتاج وقفة ومحتاج إدارة وتدريب كويس .
رابعا: مش جدعنة خالص حتى لو زعلوا حقهم ولو اتصرفوا بطريقة تضايق غصب عنهم حط نفسك مطرحهم وفريقك اللي بتحبه بيخسر باستمرار...نحن بشر
نتحمل ونكون جدعان ونظهر أخلاق نادينا بتاعة زمان اللي أهالينا ربونا عليها ونفرح باحترام وأدب وفي الأول والآخر دي رياضة والرياضة أخلاق علمونا كده ومالناش دعوة بغيرنا.
بس كده ومليون مبارك لمصر ????????????????????????????????????????????????
رانيا
2
-2
