قلبك غلبااااان ...

قلبك غلبااااان ...

ومافيش إنسان أبدا فهمه 

ولا حاول ...

كأنك ضيف...

كأنك طيف..

ساكن قلب الحواديت

ومش من حقك أبدا تحلم 

بدفا وعمار 

وحضن وبيت 

كأنك صورة ...

مجرد صورة 

مش لحم ودم 

وإحساس ...

عمال بتطبطب ع الناس 

وقلبك ..

مشقوق ..

جك خيبة 

وفاكر نفسك فاهم 

وأنت ماتسواش ...

حتى عند أحبابك شيء 

بتفوت من ضيق ...تطلع على ضيق 

خايف بجنون 

ودايما بتهون 

ولا عمر اليد اللي أتمدت لك 

كانت عايزاك 

ولا عمر الفرحة في قلبك

 كانت بتدوم 

ملعونة يا دنيا ملعونة 

وملعون القطر اللي يفوتك 

من غير أسباب 

الدنيا أحوالها هباب 

وحتفضل لآخر وقت 

 مرار وعذاب 

ونسك في القبر... يا حزين 

هو الوحيد اللي وفيلك 

ومهما غبت

أو طالت بيك سنين العمر ....

بيستناك.