إمبارح لما رحت الفرح كل اللي حطيته على وشي هو اللي بحطه في العادي لما بحب أحط مكياچ وهو الكريم والكحل والروج اللي أحيانا بستخدمه كبلاشر لما أكون مرهقة
وزودت عشان الفرح ظل بربرق خفيف كده ????وشكرا
أنا أصلا ما كنتش بحط مكياچ خالص في الخروج ولي صور في البروفايل مافيهاش مكياچ خالص .
معنديش القدرة السحرية المذهلة بتاعة وضع المكياچ بأنواعه وأشكاله ويمكن معنديش معرفة تفصيلية بالكلام ده ربما لأني متأخرة أو ممكن دقة قديمة شوية.
بس عموما أنا لاحظت إني بحط مكياچ كتغيير ولسبب طفولي شوية هو إني بحب الألوان عموما.
وكنت بلعب أنا وولادي بالمكياچ ونعمل شخصيات فرعونية وريفية ونعمل قصة مرتجلة ونمثل وأنا طبعا اللي كنت بلعب في وشهم بالألوان.????
المكياچ بيحمل شيء من البهجة والتغيير المستحب وكلما كان بسيط كان ألطف وأجمل من وجهة نظري.
رونز
2
-2
