"الفتنة نائمة لعن الله من أيقظها"
من إمبارح وأنا بتجاهل كمية بوستات احتراما للناس المحترمة اللي أعرفهم واللي عارفة ومتأكدة إنهم إخوات في الإنسانية ومحترمين ويعلم الله إني بحبهم جدا.
ومازلت البوستات بتتبعت وحقيقة مش قادرة أتجاهل أكتر من كده...
إن حضرتك لا تؤمن بدين معين فده حقك أكيد
إن حضرتك لا تؤمن برسول معين أو حتى ماتعترفش إنه رسول ده حقك أكيد
لكن سب هذا الدين وهذا الرسول وإلصاق التهم به بمنتهى الجهل وقلة الأدب ودون دراية زي الببغاء اللي بيردد من غيره من غير مايفهم ولا يبحث ولا يتأكد حتى من صحة كلامه ولا يسأل أصحاب الدين الفقهاء فيه ويناقشهم اللي حيحاسب عليه أمام الله بلا أدنى شك ..فده مش من حقك أبدا.
خصوصا لما يكون السب ده تعقيبا على حكم قضائي لمجرد إنه مش على هواك.
ولا الدين الإسلامي سيء ولا رسول الإسلام معرفش إيه ... ومش عايزة أكرر الزبالة اللي اترمت علينا بدون وجه حق .
واللي عايز يعرف يسأل أهل الدين نفسهم وإحنا نفهمه.
ولا المسلمين اللي أساسهم أقباط مصر اللي دخلوا في الإسلام اللي أساسهم قدماء المصريين أصلا بقى...
محتليين ولازم نرحل ولا ولا ولا كل الكلام اللي يفور الدم ويخلي الإنسان يتصدم قي كمية الكراهية وقلة الأدب اللي ممكن تؤدي لنتائج في منتهى السوء تطولنا كلنا.
ياريت حد حكيم وكبير يلم الموضوع لأن المشاكل بتخلص وتتنسي والكلام مابيتنسيش.
العقائد فيها ما يخالف بعض وإلا كانت الناس آمنت بعقيدة واحدة وإحنا متفهمين ده ربنا فهمنا ده ورسولنا الكريم صلى الله عليه وسلم فهمنا ده وأمرنا بالصبر حتى على الأذى وعدم الرد بالايذاء وعدم السب واحترام الآخر والدعاء له بالخير والهداية وتحدث عن الآخر بأفضل مايكون وأوصى به بأفضل مايكون مع تبيان الخلاف العقدي اللي هو جزء من الإيمان واختيار الإنسان اللي حيحاسب عليه يوم القيامة يوم الدينونة الكبرى.
أرجو من السادة المحترمين(إخواتي) التصدي لأي عيل أهبل ممكن يشعل فتيل أزمة ببوست أو تحريض من أي نوع لأننا كلنا في مركب واحدة كبيرة اسمها مصر ومن مصلحتنا كلنا نقف كتف بكتف خصوصا مع وجود العدو على الأبواب.
وماتنساش إن رئيس البلد دي مسلم ومن ساعة ما جه وهو بيتعامل معاكم بود وباحترام ومش من الذوق أبدا يكون الرد للمعاملة بالشكل ده.
أما عن حق الله ورسول الله صلى الله عليه وسلم ودين الإسلام فحسبنا الله ونعم الوكيل.
اللهم إهدنا جميعا جميعا لما تحب وترضى 🤲🏻
1
-2
