وقت المزاح لا ببقى ناقدة ولا كاتبة ولا كبيرة أصلا وقت الضحك ببقى طفلة في وسط أطفال أرجوكم افهموني.
كل خط في حياتي منفصل تبعا للوقت والمكان لكل مقام مقال.
وبسعد جدا جدا بضحكم وهزاركم وضحكي وسطكم وونسي بيكم. وعارفة إنكم عارفين رانيا إنها مش عاملة الصفحة دي لإميچ معين ولا تكتيفة ... لا... هي صفحة أصدقاء وإخوات بالأساس واحنا فيها عيلة نتفق ونختلف بالتراحم والمحبة .
صفحة بعبر فيها عن كل حاجة بحبها وشغوفة بيها في حياتي فن فكر كتابة كوميديا بطريقتي ونيتي صافية تماما وواضحة للي قلبه واضح.
ومش حبرر معنديش طاقة للتبرير ولا للشرح أنا بحبكم زي ما أنتوا باختلافاتكم في الفكر في العقيدة في الجنسية في النوع ومتقبلة ده وسعيدة بهذا الثراء البشري وحسنة الظن بكم.
أرجوكم حبوني زي ما أنا واحسنوا الظن بي وحافظوا علي الله يخليكم. كونوا ونس صالح لي في الحياة كونوا عائلة طيبة كبيييرة ومصدر طاقة إيجابية وقوة .
والله لما بخسر حد بزعل خصوصا لو أعرفه شخصيا والزعل مابيخفش بيسيب أثر حاولوا قد ماتقدروا ولو النية صافية ربنا حيوفق.
ماتزعلوش وبعتذر لو نكدت بس ده إن شاء الله آخر النكد.
صباحكم زي الفل والياسمين بأمر ربي يا إخواتي ❤????
رانيا ثروت
2
-2
