الموج

 كان شابك في دراعها

 ببياضه الرايق 

والبحر 

كان ساكن في عيونها

 مع إنها عسلي 

كانت تستنى الشمس الهادية

 لما تبوس البحر وتمشي 

 كات تستناه 

سرحانه يا ولداه

 في كف أمانه العاشق صوابعها 

بلطف 

كفه..

 كان بينقط ورد 

وشهد 

وود 

وخشونة كد 

وتشبيكة العشرة اللي ماتكدب 

كان عايش فيها 

وطالل من نني عنيها 

وبرغم البعد اللي ما بينهم 

وبرغم القسمة والمكتوب 

عمرها ما خلفت يوم وعده

ولا نسيت أبدا

تيجي تناجي في روحه البحر

يوماتي في نفس المواعيد 

ولا عمرها تقدر عن حبه تتوب