باستيل أول مجموعة قصصية كتبتها و نشرت بعد وقت طويل من دخولي عالم الكتابة ولذا لها خصوصية عندي.
كل حرف فيها كتبته بصدق بنزف بهم عام وخاص أكتر من الاحتراف .
باستيل كتبت وجمعت في أواخر ٢٠١٩ في ظروف صحية صعبة شوية وتعثرت شوية في الطباعة والمراجعة شويتين .
طبعا قدرتي على الكتابة اختلفت ،في أدوات كتير ملكتها أكتر من الأول.
وكتبت بعدها مجموعة أخرى وكتابين آخرين وينتظروا جميعا النشر بإذن الله.
ومع ذلك كان نفسي تتناقش مش عشان ندوة وقاعدة على المنصة ولا عشان أخد صور وتبريكات.
عشان أسمع من أساتذتي وأصدقائي أصحاب الرؤية وأعيد تقييم الأشياء و أطور من كتابتي وأواجه عيوبها وأشوف برضه مزاياها بشكل تفصيلي ومدروس.
وأنا متأكدة لو ربنا من علي وتمت المناقشة من قبل أساتذتي اللي بحبهم وأحترمهم وأتعلمت منهم حاجات كتير وعارفة إنهم مابيجاملوش حد.
وكذلك من قبل أصدقائي الأساتذة النقاد المحترمين اللي برضه متأكدة من معرفتهم بي و مدى حبي لمصداقيتهم وتشريحهم للعمل وذكر المسالب قبل الإيجابيات.
إني حتعلم حاجات كتير وحاجات أكتر حتنور.
الغرض من المناقشة إني أتعلم يمكن اللي صعب أتعلمه في محاضرة، من خلال التطبيق العملي على ما أكتب شخصيا .
والكتابة زي ماهي موهبة هي حرفة وصنعة وتمكن لغوي وتكنيكات .
شكرا مقدما لأساتذتي اللي حيشرفوني على المنصة
شكرا مقدما لكل أصدقائي اللي حيحضروا وحيكرموني بمقارباتهم الجادة.
شكرا مقدما ا.رشاد بلال لإتاحة الفرصة لكل هذا العلم والنفع بإذن الله .
وأولا وأخيرا شكرا لله في كل الأحوال اللهم التمام على خير ????????
رانيا ثروت
2
-2
