صدفة مش أوانها

انت حب غير مبرر

صدفة كانت مش أوانها

دقة، مين بس اللي قرر

إن قلبي يكون مكانها

قلب خايب عاش مشقّة

رغم ذلك قال وماله

فيها ايه لو زاد بدقة

ينسى بيها ايه جراله

والغريب عقلي اللي كان

يحلفوا من بدري بيه

راضي انه يضيع كمان

جوة حالة بتناديه

قال يقولوا العقل غالب

شكله مغلوب من زمان

مهما أعارض ولا أعاتب

يقولي لا آن الأوان

عارفة اني ممكن اندم

لو هعاند في البعاد 

أو هلاقي زي ما احلم

صدفة دي بمليون ميعاد

يمكن هو مش أوانك

بس ازاي اكتم شعوري

فاختياري يكون مكانك

قصة أكتبها بسطوري