كنت عايش طول حياتي 

والبنات قدامي صف

كنت بتنقل يوماتي

وسطهم وواخدها لف

كانت أكبر أمنياتي

يوم سعادة اخطفها خطف

مش مهم حزن ليهم

ولّا جرح يدوم ونزف

وأما جيت وقابلتك انتي

كنتي برة أي وصف

حتى قلبي دق دقة

كأنه كان تعبان وخف

فجأة فاق وبقيتي وحدك

واللي قبلك كله حذف

وابتديت وياكي حالة

عشت فيها شوق وضعف

نظرتك كانت حكاية

وهمس صوتك كانلي عزف

بعد حبة بديتي تقسي

والحنان حسيته جف

وبعد ما اطمنت ليكي

خدت منك أقوى كف 

واتبَدَلت بحد تاني

واتركنت أوام ف رف 

كنت فاكر اني شاطر

اقدر افهم أي صنف

عمري ما اتخيلت هندم

بس نسفتي ثقتي نسف

 انتي بالنسبالي غلطة

وغلطة الشاطر بألف