مين قال ب ضرب الرمل

بكرة خلاص اتشاف

يتلم تاني الشمل

م الفُرقة مش هنخاف

يلي كلامِك سحر

قلبي خلاص دايب

ولا كل رمل البحر

هيرجع الغايب

لمي خلاص الودع

وسيبيني وحديا

وإن يوم رأيتي الجدع

خليه يعود ليا

قوليله في بنية

عايشة على وعدك

ولا زاد ولا مية

يرويها من بعدك

انا رميت الودع

وما قلت غير يارب

قلبي عليه انخلع

ولاكنش ليا ذنب

غير بس كان إني

وشوشت يوم ودعة

وحكيتلها سري

وأتاري دي خدعة

من واحدة رمالة

رميتلها بياضي

اتاريها رحالة

وكلامها ع الفاضي

قالت أبين زين

اللي عليه العين

هيجيكي ويسلم

يمكن في بحر يومين

يارب أغفر لي

ورجعه ليا

ولا تاني أقول سري

لواحدة غجرية