بيت القصيد

اختلفنا من جديد

اديته ضهري

ف راح بعيد

نار عنادي وكبرياؤه

طالت الحلم السعيد 

لحظة فارقة

وقفنا فيها

أثرت فينا أكيد

السكات طول ما بينا

مفيش عتاب 

ولا لوم يفيد

بعدت عنه بس حبي

كل يوم بيفوت يزيد

وهو 

باينة في عينه نظرة

حزن من جواه شديد

واكتشفنا بعد هدنة

ان احساسنا فريد

في شرارة باقية دايما 

هي دي بيت القصيد

مش مهم مين هيبدأ

مين هيرجع، مين يعيد

نار هوانا لو بتضعف

فلحظة من تاني تقيد

لو هنستهلك فرصنا

 تاني يتجدد رصيد

فمهما زاد الصد بينا

سهل نبدأ من جديد