بطلت أحس

وفرت الإحساس على نفسي

بطلت أقول اللي فنفسي

واشتكي من حاجة بتوجعني

في الآخر ألقاك تسمعني

وتقول دي ظنون

مش ممكن أخون

في الآخر بردو تكررها

تتحدى كرامتي وتكسرها

وكأن الشكوى دي ولا حاجة

فهحط مشاعري في تلاجة

واتعامل مع طبعك عادي

من غير عصبية وع الهادي

وشوية شوية انا هستقوى

مش هزعل وهبطل شكوى

والحب هيختفي تدريجي

ومسير القوة فيوم تيجي

وأعيش وياها لنفسي وبس

والقلب يبطل تاني يحس

بطلت أحس

وهحس بمين

كلكو خاينين

ولو اني ولا اعرف يوم غيرك 

ومكنتش عايزة إلا ضميرك

يفتكر الحب اللي اديته

ولقلبك بس انا خبيته

ويقدر إخلاصي ويدي

مش أكتر مني، يادوب أدي

زي ما بديه ولحبي يصون

مش يجري ورا النزوات ويخون

فبقيت شايفة الدنيا دي ماسخة

أصلها انت، والباقي نسخة

تكرار لملامحك انت وبس

فهبطل بيك وبغيرك أحس