النهاية

سيبتك أو انت اللي سايب

احنا في الآخر حبايب

الفراق ساق فجأة بيهم 

العناد قواه عليهم

المشاعر فجأة جمدت

واللهفة وياها استخبت

كان زمان الصلح هين

بنظرة أو لمسة يبين

ولا بيحاول يداري

إن كل ما فينا شاري

ننسى أي خلاف ونبدأ

والسماح كان لينا مبدأ

بس دلوقتي ابتدينا

ننصر الأيام علينا

ندفن الأشواق ونكدب

نمثل ان احنا انتهينا

كل واحد في النهاية

ادى ضهره وقال كفاية

مش هننسىى بعض لكن

سهل تتدفن الحكاية