أغلب الستات فاهمين القوة غلط .. مين قال إنك ڪأنثى محتاجة تڪوني قوية في المطلق ؟!

القوة المطلوبة للمرأة تتلخص في قوة إيمانها + مناعة نفسية تواجه بها تحديات الحياة بحيث مايحصلش لها انهيار مع الضغوط ، قدرتها على وضع حدود شخصية ونفسية وأخلاقية تحميها وتحمي كرامتها .. و بس شكرااا .. 

فڪرة إن قوتك تعني تمرد وهيمنة ومنازعة ع السلطة مع الرجل فڪرة مخيفة ومنفرة .. مش حرب هي والله .. ونفس الڪلام موجه للرجال : الرجولة مش تصلب رأي وتسلط وقسوة وتحڪم وزعل ومشاڪل ونڪد على الفاضية والمليانة .. 

قوتك في حمايتك لزوجتك و رعايتها والإنفاق عليها وهي دي القوامة ...

جه الوقت اللي نفهم فيه ان دبح القطط خرب البيوت ، وهدم السڪن ، وقضى على المودة والرحمة ، جه الوقت اللي ندرك فيه قواعد العلاقات وننمي فيه مهارات التواصل .. ونفهم ان ربنا حط لنا دستور ولازم نمشي عليه علشان نوصل للسعادة بمفهومها الشامل : استقرار وهدوء في الدنيا ، وجنة في الآخرة ...

صباحڪــم جميــــل 💗🌸