علاج صدمات الماضي

 علاج الماضي 

ازاي نعالج صدمات الماضى ؟ ازاي نتحرر من المشاعر السلبية ونتعافى من علاقة مؤذية أو ضغط نفسي استمر فترة طويلة ؟

1️⃣ أول خطوة .. 

 اڪتب ... اڪتب في ورقة ڪل اللي تاعبك من الماضي بكل التفاصيل .. اوصف شعورك بالظبط وكل اللي حسيته طول فترة الألم .. و بعد ما تخلص كل اللي جواك احرق الورقة أو قطعها وارميها ، المهم هنا إنك ما تقرأش اللي كتبته .. انت خرجت المشاعر السلبية وتخلصت منها ، ودة بيدي رسالة للعقل الباطن إن المشكلة انتهت .. «ممكن تكرر دة مع كل شعور سلبي بتشعر بيه »

2️⃣ تاني خطوة

 سامـح الأشخاص اللي خذلوك مع بقائهم خارج نطاق حياتك .. يعني هتتعامل معاهم إنهم أشخاص عاديين بالنسبالك مش أعداء .. وتتخلص من أي مشاعر سلبية أو عواطف تجاههم ..

3️⃣ ثالث خطوة : 

تخلص تماما من إحساسك إنك ضحية ، لأن مجرد الإحساس دة هيخليك ضعيف وألم الماضي هيفضل جواك ..فكر دايما إن اللي فات انتهى ( أنا الآن أفضل وهقدر أكون أحسن ) ..

4️⃣ رابع خطوة ..

 دور على الأنشطة اللي بتحسسك بالسعادة وكررها يوميا .. 

5️⃣ خامس خطوة

 اكتب لنفسك رسالة حب و تقدير إنك بتحاول تتغير وإنك قادر على دة ..

6️⃣ سادس خطوة

 ابعد عن التفكير في الذكريات القديمة ، متحاولش أبداً تفتكرها أو تحكيها .. خلي عندك إرادة وماتخليش ذكريات الماضي تسيطر على المستقبل ..

7️⃣ سابع خطوة

لو حسيت إن الأمر أكبر من قدرتك ، وإنك محتاج مساعدة لا تتردد في اللجوء لأخصائي يساعدك تتخلص من صدمات الماضي عن طريق التشخيص السليم باستخدام مقاييس نفسية .. فقد يتضح أنك تعاني من اضطراب ( كرب ما بعد الصدمة) وحينها تحتاج لجلسات علاجية ..