لا شيء يمڪنه إيذائك أڪثر من أفڪارك !!

هناك مقولة في علم النفس تقول :

«لا شيء يمڪنه إيذاءك أڪثر من أفڪارك »..

ـ الفڪرة الغير عقلانية ، يتبعها شعور سلبي ، يتبعها رد فعل وسلوك مندفع غير عقلاني ..

علشان ڪدة من أهم الفنيات اللي بيستخدمها المرشد الزواجي لترميم علاقة الزوجين : «التحليل المنطقي للأفڪار الغير عقلانية» أو ما يسمى بـ «إعادة البناء المعرفي»

أغلب مشاڪل الأزواج بتڪون بسبب :

«الأفڪار اللاعقلانية » زي :

هي : لو قولتله حاضر هيفتڪرني ضعيفة

هو : لو بقيت حنين معاها هتفتڪرني ضعيف

هي : لو قولتله آسفة هيقلب الترابيزة عليا

هو: لو اعتذرت لها هتفتڪر اني ضعيف

هي: هو مش بيقول ڪلام حلو ، يبقى مش بيحبني.

هو: لو قولتلها ڪلام حلو هتتغر وتشوف نفسها عليا .

بالإضافة لبعض الأمثال الشعبية اللي ڪانت سبب في تشوه أفڪارنا وأصبحت جزء من ثقافتنا زي «ادبح لها القطة » ، «ابنك على ما تربيه و جوزك على ما تعوديه » ، «يغلبك بالمال اغلبيه بالعيال»

دي مجرد أمثلة والواقع مليان أفڪار مشوهة زيها وأڪتر ..

أفڪار مشوهة غير عقلانية مترسخة في الأذهان بفعل التربية الخاطئة والموروثات المجتمعية ..

مفيش حل للأسف ، إلا لو الشخص نفسه اقتنع ان دي أفڪار مشوههة غير عقلانية مدمرة لحياته ، ساعتها الحل انه يعمل رصد لأفڪاره دي ووضع أفڪار عقلانية متزنـة بديلة .. التغيير لازم يبدأ من جواك .. بوعيك انك محتاج تحسن جودة حياتك وعلاقاتك ..

وقتها بس هتسمح للماضي إنه يمشي ، ويحل محله واقع جديد جميـل ، بأفڪار جديدة ، وسعادة تملا قلبك وروحك ..