الزوج القماص (الأسباب والعلاج)

« قـمـــــاص »

قالتها لي إحدى عميلاتي في استشارتها لي .. قماص يا دڪتور .. ڪل شوية يزعل من حاجة شكل !!

مالهوش ڪتالوج ..

ڪل شوية نڪد على حاجات مختلفة ..

خصام بالأيام .. و مش بيرضى بسهولة

معڪنن على البيت ڪله

بقالي ٥ سنين بالوضع دة ..

نزل من نظري وحاسة ان دماغه صغيرة مش عاقل ولا حڪيم .. بيڪبر الأمور ، ويزعل على تفاهات ..

تعبـت جدا و بفڪر أنفصـل 😥

ـــــــــــــــــــــ

طيب بدايةً .. نفهم الراجل القماص مشڪلته إيه ؟

 و ايه سبب مشكلته دي ؟ و إيه الحل ؟

⬅️ملحوظة : مهم نعرف إن فرق ڪبير بين الشخص الحساس والقماص .. الحساس ممكن يزعل بسهولة لكن مش بيعاقب بالتقل أو الخصام والهجر ، وسهل إرضائه ... أما القماص قصة تانية ..

💢مشڪلة الشخص القماص :

1️⃣ ــ ماعندوش مرونة نفسية .. و مش محدد لزوجته نقط معينة بتضايقه فبالتالي تاخد بالها منها ... لا دة كل يوم بيزعل من حاجات مختلفة في نقط مختلفة .. مالهوش ڪتالوج زي ما قالت .

2️⃣ ـ شڪل الزعل بتاعه : بيخاصم ويهجر بالأيام وممكن أسابيع !! 

3️⃣ ـ صعب إرضائه .. مش بيتفهم ويعذر بسهولة ..

💢سبب المشڪلة : عوامـل تربويـة

ــ إما عنده «Insecure» فاقد الأمان .. بسبب إنه ما أخدش ڪفايته من الإستقرار ، وما أخدش الحنان الڪافي اللي يشعره بالهدوء والاستقرار النفسي ..

ــ أو العڪس : التدليل الزائد .. وإنه ڪان دايما يستخدم الأسلوب دة من صغره مع والدته و والده ، وكانوا بيستجيبوا للقمص والخصام بتاعه ، و يلبوا له طلباته ، فأصبح دة أسلوبه في طلب الإهتمام ..

💢 الحــل :

أولاً : دور الزوج :

لازم الشخص نفسه يفهم مشڪلته ، و دة نصف العلاج .. وباقي العلاج خطوات عملية منه هو شخصيا يحل بيها المشڪلة :

♦ يحدد نقط معينة بيتضايق منها ، و يعرفها للزوجة تاخد بالها منها .. و لو حصل اي موقف خارج هذه النقط ممنوع الزعل ..

♦بالتمرين : يمرن نفسه على التغافل ، ولو الأمر يستدعي العتاب ، يعاتب ماشي بس بدون زعل وهجر ، ويفهم إن الهجر أو الخصام للنشوز فقط بنص القرآن ..

ثانياً : دور الزوجة : 

♦لو زوجك ينقصه اهتمام أو حنان بادري فورا بتلبية احتياجه ، دة واجبك .. 

♦ ابدي اهتمامك بالأمور اللي بتزعله وحاولي ترضيه .

♦ لو حاولتِ تقربي وهو صمم يعاقبك بالخصام من فضلك اديله مساحته ، اديله فرصة يراجع نفسه .. 

و ڪلمة للزوج : أحسِن استقبال مجهود زوجتك في إرضائك .. و قدر مجهودها ..اعذرها لو أخطأت بدون قصـد ، اقبل اعتذارها فورا ، وممنوع الخصام إلا على الأمور الڪبيرة اللي تعد نشوز فقط . 

ڪل الڪلام دة ينطبق أيضا على الزوجة النڪدية أو القماصة ..  

ڪلمة لڪل الأزواج والزوجات : 

مهم نعمل «جلسة مصارحة شهرية» نقعد نتڪلم ، ڪل طرف يصارح التاني باحتياجاته اللي محتاجها من الطرف الآخر، لأن الاحتياجات بتتغير ڪل فترة مش ثابتة ..

 ويصارح بالأمور او الطباع اللي محتاجة تتغير ..

ونفتڪر إن الإنسان بيدور على الراحة والسڪن في علاقته بشريك حياته ، عمر الزعل والخصام والهجر ما يعمر بيت .. وافتڪروا دايما إن الزواج مودة ، رحمة ، سڪن وهدوء وسڪينة .. بالحوار الهادي ڪل حاجة بتتحل 🙂

دمتم بخير ودامت بيوتڪم عامرة بالسعادة 🌸