#القمر النهاردة ولمدة يومين ونص في #برج #الدلو ..القمر في بيوت #زحل مش احسن حاجة لكنه في #الدلو افضل بكتير من #الجدي والطاقة هتكون اخف من اليومين اللي فاتوا هيرجع جزء من حيويتنا ونحس برغبة في الخروج ومقابلة اصحابنا هتنشط اكتر العلاقات الاجتماعية ..العلاقات العاطفية مش افصل حاجة الفترة دي بسبب تربيع زحل لكوكب #الزهرة وقت لمراجعة كل العلاقات 

اخيرااااا وبعد اسبوعين كاملين زحل فك زاويته النحيسة مع #عطارد وعطارد اتعدل في برجه الجوزاء تحسن واضح في احوال #الجوزاء و #العذراء..لكن بشكل عام هتنشط تاني حركة #السفر الناس اللي كان متعطل عندها سفريات او اوراق سفر او اوراق حكومية الامور هتتحرك ..مشاكل النت والموبيلات والاجهزة الالكترونية المفاجئة اللي طلعت عينا طول الشهر اللي فات هتضبط 

#الشمس في زاوية سعيدة مع زحل المتراجع زاوية سعيدة وهتستمر حوالي 10 ايام ..فترة مكافآت لاي عمل تعبت فيه الشهور اللي فاتت ومتقدرتش فيه..فترة قوية لانك تنجز امور اتاخرت فيها ..وتصلح مشاكل حصلت من الاخر فترة كارمية جدا لعودة الحقوق الضايعة وانكم تحصدوا نتايج اللي عملتوه

 

احلامكم امبارح والنهاردة اغلبها ليها علاقة باصحابكم القدام برغم كل اللخبطة بس نومكم تقيل 

كايرون دكتور الكواكب مقترن اقتران تام بالمريخ في #الحمل فترة تشافي نفسي وجسدي وعاطفي استغلوها لانها مبتتكررش كتير ..عندكم القدرة تتعاملوا مع اي مشكلة بينكم وبين نفسكم ..الكون باعتلكم دكتور نفسي مجانا تحلوا بيه عقدكم ومشاكلكم فاعترفوا بيها ومتهربوش منها وواجهوها علشان تنهوها للابد

وجع العضم وتحديدا الرجلين مشاكل البشرة سقوط الشعر عادي جدا فترة مؤقتة وهتعدي

#نشرة_اخبار_الكواكب