المريخ ساب بيته في #الحمل ودخل بيت وباله في #الثور لمدة شهر ونص والوبال في الفلك يعني البيت اللي الكوكب فيه ميكونش مرتاح ولا بيتصرف بطبيعته وبما ان المريخ هو كوكب النار والحركة والنشاط والحماس والثور كوكب نقدر نلخصه انه بطة بلدي في نفسه ????رايق هادي بطئ برج الاكل والكسل والانتخة علشان كده المريخ مش بيتفق معاه طيب تاثير ده علينا ايه بقي وزي ماتفقنا ان الكواكب حركتها بتاثر ع الكل مش البرج اللي بتدخله بس...وبدخول المريخ اللي بيحكم طاقتنا وحركتنا للثور هتحسوا بكسل شوية وميل للاكل تحديدا الابراج النارية والهوائية اما الترابيين بالعكس هينشطوا شوية لكن هيزيد معاهم الصداع حبتين ..واكتر حد مرشح لزيادة الوزن خلال الشهر ونص اللي جايين هما طوالع وشموس وهيمنة الحمل والعقرب اللي بيحكمهم المريخ
بخروج المريخ من بيته الامور بتاخد ايقاع ابطأ شوية..الاندفاع والتهور والتسرع اللي كانوا بيميزوا الشهر ونص اللي فاتوا هيتغيروا لنوع من الهدوء والتفكير اكتر وهيكون تركيزنا بشكل خاص ع الامور المادية وكتير هيفكروا او هيسيطر عليهم فكرة الانتقال لبيت تاني او امتلاك عقار
المثلثة الترابية هتستفيد من وجود المريخ عندهم بينشط امورهم المادية والمهارات الفنية لكن برضه لازم يخلوا بالهم ويتعاملوا بحذرهم المعتاد ويتجنبوا المشاكل مع الاخرين لان المريخ بيزود عصبيتهم شوية
طوالع وشموس وزهرة #برج #الثور احذروا من الشخص اللي هتتعرفوا عليه خلال الشهر ونص الجايين غالبا شخص عنيف او اغراضه جنسية بحتة "انا حذرتكم اهو"
المريخ كوكب نحيس ودخوله بيت وباله اللي قاعد مستنيه فيه اورانوس وراهو وبما ان #الثور هو بيت المال والبنوك والعملات والمعادن فنتوقع تحديدا من بعد نص يوليو زيادات او هبوط مفاجئ في اسعار بعض العملات والنفط والدهب.. مش هيكون افضل وقت للاستثمار الغير مضمون في الدهب او البورصة او العقارات ...وقت مش مناسب للعمليات الجراحية ..مش وقت مناسب لشرا العقارات تحديدا طوالع #الحمل و #الاسد
بيزيد نشاط #الزلازل وربما يحصل انهيارات ارضية او منازل في بعض الدول
بيزيد حوادث السرقة والنصب كل ماهتقرب من اغسطس وبنسمع اكتر عن قضايا تخص استيلاء ع اموال من #البنوك فحافظوا ع ممتلكاتكم وراجعوا كل معاملتكم المادية وتجنبوا الدخول في اي شراكة او استثمار مش مضمون.
من نص يوليو لحد 4 اغسطس هيحصل اقتران مابين #المريخ واورانوس وراهو وتربيع لزحل وكيتو والزاوية دي مرعبة شوية وكل المهتمين بالفلك بيتابعوها باهتمام وهكتبلكم عنها في وقتها
خلال الشهر ونص هيزيد مشاكل الرقبة وربما الام من غير سبب ..الاختناق بسبب الاكل والشرب ..كلوا براحة الاكل مش هيهرب واللي عندهم مشاكل الغدة الدرقية يخلوا بالهم اكتر
#نشرة_اخبار_الكواكب
2
-2
