ع مدي اسبوعين اغلب الناس بتشتكي من الام في العضم وتحديدا الرجلين والضهر وحساسية جلدية  وتساقط زايد للشعر ودور برد  نوم تقيل متقطع وكسل واضح وقلنا ان ده بسبب تربيع #الشمس لزحل اللي معانا من اخر رمضان لحد دلوقت ومكمل لاخر الاسبوع واللي عندهم الاعراض دي واضحة غالبا عندهم نقص #فيتامين "د" ومحتاجين يعملوا تحليل يتأكدوا من نسبته

تقليب الذكريات القديمة قوي جدا طول اليومن اللي فاتوا والنهاردة هيزيد اكتر ذكريات الطفولة..مشاكلك مع اهلك...اي مشاعر سببتلك عدم احساس بالامان او الثقة بنفسك هتواجهك متركنهاش ع جنب اتعامل معاها علشان ينتهي تاثيرها عليك  وخد قرار حاسم بانك مش هتسمحلها تاثر ع حياتك تاني  دي نعمة طاقة الخسوف علينا

#الخسوف تاثيره علينا نفسي  ممكن الصداع بس لكن ملوش علاقة بوجع الجسم لكن اغلبكم اكيد قضي ليلة باحلام ملخبطة اغلبها من امور بيخاف منها او حاحات مفتقدها لان الخسوف بيجبرنا نتعامل مع كل المشاعر القديمة اللي بنحاول نتجاهلها

هتزيد اعطال العربيات النهاردة وامبارح كمان ونخلي بالنا واحنا سايقيين لان الزوايا دي بتزود حوادث الطرق

تجنبوا الاستفزاز والدخول في اي جدال مع اي سلطة وتحديدا الاب والزوج ومديرك في الشغل انا عارفة انه كان اسبوع مليان خناقات ومحدش طايق نفسه لكن من بكرة الامور هترجع تهدي تاني ان شاء الله 

يوم لا يصلح للسفر ولا لبداية اي امر مهم جديد ولا توقيع عقود مهمة ولا لشراء عقارات او عربيات او اي حاجة غالية

احذروا النميمة والفضفضة وحافظوا ع اسراركم طول فترة تراجع عطارد وانتبهوا ع تحويل الفلوس واي فواتير وامنوا حسابتكم ع السوشيال ميديا كويس علشان ده موسم الهاكرز

لا يصلح لقص الشعر ولا للعمليات الجراحية ولا الحجامة

الشهر ده مش هيخلص من غير ماتكتشف حقيقة غايبة عنك او حقيقة شخص حواليك او تنصدم بسر مخفي او اخد قرار مهم في حياتك دي طاقة #الخسوف فانتبهوا للاشارات

#خسوف_القمر 

#نشرة_اخبار_الكواكب