كتير عموما حاسين من امبارح ..لخبطة في النوم ..الالام في الجسم ...مزاح سئ..وساوس ...مخاوف ...تقليب في الذكريات القديمة ..افكار سوداوية واحساس بالتشكيك في كل شئ وانعدام الثقة بالنفس

#القمر في معارضة #الشمس  والشمس في بيت شرفها في عز قوتها و #القمر في بيت هبوطه غلبان ده هيسبب مشاعر بالاحباط او التشاؤم والاكتئاب ..هتحس انك مش قادر تعبر عن نفسك وعايز تجري من اي مواجهة ..الزاوية دي بتشجع الخناقات عموما فخليكم ناصحين وتجنبوها 

القمر في العقرب بتلاحظوا جدا زيادة الاشاعات وجو النميمة والسخرية والانتقاد والتنمر  والناس هتكون شديدة الحساسية وردود افعالها هتكون غير متوقعة  فافتكروا اننا في #رمضان وحاولوا تكونوا بني ادمين الطف حاسبوا اوي ع كلامكم يأذي غيركم  بقصد او من غير قصد وعدوا اليومين دول ع خير.. الكارما قوية جدا مع وجود كيتو في العقرب والكلمة هتلف وتتردلك..

لخبطة واضحة في الهرمونات عند البنات والستات "متقلقوش" 

#القمر في معارضة #اورانوس هيخليك تكبر الامور ..اي فكرة او وسواس في دماغك هتعملوا منه فيلم كامل ..انفصالات عاطفية بشكل غير مبرر او بسبب الغيرة 

رغبة واضحة في انك تفتش او تدخل تقلب في اكونتات وصور الناس اللي تعرفهم واللي متعرفهمش ..رغبة في التجسس "خلي بالكم ع موبيلاتكم بقي وتحديدا الرجالة لو وقع في ايد مراتك هتعمل عليك شوربة النهاردة ع الفطار"

حدس قوي  وتوقعاتكم بتصيب في امور كتير ورغم لخبطة الاحلام لكن جواها رسايل واشارات مهمة

اهتمام بكل ماهو خفي وروحاني والامور الغريبة هتشدكم اكتر من اي وقت تاني

خلال وجود #القمر في #العقرب مش وقت مناسب للارتباط او توقيع عقود او بدء مشروع جديد او السفر مناسب للتفكير ومراجعة الامور بس 

 

طول فترة اقتران #عطارد و #اورانوس في #الثور اللي مستمر لمدة اسبوعين الاخبار الاقتصادية هتكون محور اهتمامنا ..تغيرات في  الاسعار ..قرارات مفاجئة ..تذبذب واضح في اداء البورصات العالمية بلا اي مبرر..رواج في سوق العقارات...حوادث السير بتنشط جدا خلال الاقتران ده فخلي بالكم 

 

ع الرغم من ان #الطاقة تبان تقيلة وايه النشرة الغامقة دي لكن الطاقة دي لها  ايجابيات مهمة .انكشاف اسرار  ممكن تفرق معاك..ممكن جدا تكتشف خيانة او عدو سري..مواجهة الالم الداخلي ووساوسنا النفسية ومشاكلنا وعقد الطفولة اللي بتظهر بئالها فترة معاكم مع وجود #كايرون في #الحمل بيساعد ع تفعيل طاقة التشافي النفسي والروحي حقيقي بطريقة حادة شوية وقوية تحديدا مع وجود #المريخ في #الحوت ..فمتكرهوش المشاعر اللي بتظهر عندكم ولا حتي تقاوموها حللوها وسيبوها تاخد وقتها  دي فرصة إلهية  مسخر لكم الكون  ..استغلوها علشان تقفلوا الباب ع مشاكلم النفسية دي للابد وتاني ردووا "بسم الله الشافي المعافي من كل داء يؤذي روحي ونفسي وجسدي علي الميه قبل ماتشربوها بنية الشفاء من اي داء وهتحسوا بتحسن كبير اوي

 

وكالعادة دي طاقة عامة بتأثر ع الكل بشكل متفاوت وملهاش اي علاقة ببرجك فعلشان خاطر الشهر الفضيل والنبي ماحد يكتبلي فين برج كذا 

#نشرة_اخبار_الكواكب