قبل كل نشرة دي طاقة عامة بتاثر علي كل الابراج بشكل متفاوت حسب خريطتك الفلكية
#القمر بيستعد يدخل برج #الثور في بيت شرفه والشمس دخلت #السرطان وهتفضل هناك لمدة شهر والزهرة دخلت النهاردة برج #الجوزاء وهتقضي فيها 25 يوم بعد ماسابت #برج الثور اللي كانت سبب زيادة وزن ناس كتير الشهر اللي فات وصرفتوا فلوس كتير ع لبسكم وشكلكم 
الزهرة الكوكب اللي بيحكم مشاعرنا وعواطفنا وكمان كوكب التعاملات المالية في #الجوزاء برج التواصل ده هينشط تاني رغبتنا في التواصل واحتمالية التعارف علي ناس جديدة من خلال مواقع #التواصل_الاجتماعي او في رحلة ...بتلاحظوا زيادة في رغبتكم في الكلام والرغي في التليفونات والشات بعد شهر الامور كانت فيه بطيئة شوية ..الزهرة لما بتدخل برج بتلبس طبعه وهتاخد طبع الجوزائيين في تفاؤلهم وتنطيطهم وتكيفهم السريع مع الامور ..ناس كتير هتدخل علاقات جديدة وهتقع في الحب من اول نظرة او كلمة ..بيزيد نشاطكم علي السوشيال ميديا ووقت مناسب جدا تبدا نشاط جديد اون لاين ...تفتح صفحة او تتبدا بتسويق شئ ..
وقت مناسب من بعد يوم 25 لشرا عربية جديدة او موبايل او جهاز الكتروني او النقل لبيت جديد وللسفر طبعا مش كل الايام مناسبة ده وع حسب اتصالات الكواكب
موسم زهرة #الجوزاء خفيف ولطيف خاصة بعد خروجها من بيتها في #الثور اللي مخلناش نستفيد منها بسبب اتصالها باورانوس وزحل وتسبب بخساير مالية وانفصالات عاطفية ومشاكل في الاجراءات البنكية وبعض الاستثمارات الشهر اللي فات
لسه #الشمس في تربيع نبتون و مقترنة بليليث للاسف شايفين اثرها في زيادة حالات الانتحار والتعصب سواء ع اساس الجنس او العقيدة او الهوية وتصريحات لمشاهير تودي في داهية..ده غير تاثيرها السلبي علي اللي عندهم مشاكل نفسية من الطفولة وبتزيد حوادث العنف الاسري والعنف ده النساء تحديدا بسبب الهوس العاطفي او الجنسي وبيزيد المشاكل المرتبطة بالادمان والمخدرات او وفيات نتيجة جرعة زايدة
2
-2
