قبل كل نشرة دي طاقة عامة تنطبق ع الجميع بشكل متفاوت حسب خريطتك الفلكية
القمر ولمدة يومين ونص في #برج #الجوزاء ..قمر الجوزاء بيزيد رغبتنا في التواصل والتفكير والكلام والرغي والخروج والسفر
لكن #عطارد حاكم #الجوزاء متراجع وده بيخلي رغبتنا في الكلام فيها نوع من التردد ..رغبة في الاعتراف بس مبنعترفش..رغبة في المبادرات بس بنتراجع...التفكير مشوش شوية واللي بنفكر فيه بيترجم لكلام مختلف
اليوم النهاردة وبكرة داعمين جدا لعودة التواصل مع اشخاص متباعدين هتتفاجؤوا بمكالمات ورسايل من ناس نسيتوهم ..بلوكات كتير هتتفك وبلوكات اكتر جاية في الطريق
بيزيد انتشار اشاعات وتردد كلام في مواضيع اتقفلت..ممكن تتجدد اشاعة او ترجع تنتشر تاني او تظهر حقيقة موضوع اتفقل
يومين قمر الجوزاء بيكون دايما مزاجيين جدا بيتغير مزاجنا ومودنا ببساطة من النقيض للنقيض ..مابين رغبة شديدة في الكلام ورغبة قوية في السكات..بنحب ونكره نفس الشخص في نفس اليوم
القمر هيقترن بالمريخ طول اليومين دول وفي تربيع للزهرة وده هيسبب مشادات كلامية كتير وخناقات حادة ع اتفه الاسباب حاولوا تتجنبوا ده وتتجنبوا الصوت العالي في اي مناقشة وتحديدا مع اخواتكم او جيرانكم لانه هيكون مستفز بزيادة للطرف التاني..
بتكتر خناقات بسبب السواقة والسواقيين و مشاكل تخص العربيات او الطرق وبتزيد الحوادث بسب السرعة والنار
بتزيد سرقة الموبيلات والعربيات اليومين دول بس برضه سهل يتفضح السرقة والسارق بسهولة وبشكل ساذج ومفضوح
مش يومين مناسبين لشرا عربية ولا لسفر قصير ولو اضطريتوا اقروا سورة الغاشية
معرضين اكتر لجروح في الايدين بسبب الالات الحادة وبيزيد ادوار البرد او مشاكل الجهاز التنفسي فخلوا بالكم
اقتران القمر بالمريخ في برج #الجوزاء بيفعل كارما وطاقة الكلمة جدا فاحذروا اي كلمة بتنطقوها بهزار او جد متكرروش كلام سلبي..متساعدوش ع انتشار اشاعة..متنقلوش كلام من غير وعي ..راجعوا ردودكم وكلامكم ..الكلمة لها طاقة مؤذية وهترجعلكم تاني
#الشمس في زوايا قوية الفترة دي تدعم تغييرات كبيرة في حياتنا او انتقالات مهمة سواء ع المستوي الشخصي او الدولي ..وقت فاصل في حياة ناس كتير تحديدا مواليد #الاسد و #العقرب ..طاقة نهايات لامور علشان تبدا امور جديدة..ع المستوي العام في تغييرات مهمة هتظهر الفترة الجاية في سياسات ونظم الحكم في بعض الدول
#نشرة_اخبار_الكواكب
2
-2
