سلسلة فضائح الابراج ج1

#برج_الاسد دول اطفال لانه بيت الطفولة واللعب يعني من الاخر تضحكوا عليهم بكلمة وشوية دلع وحتة شيكولاتة او تودوهم المراجيح سيبكم من صوتهم العالي ولسانهم الطويل دول الطف خلق الله بس احذر انك تقلل منه او تهزر معاه بسخافة ساعتها هتتعور وهيجيبلك ناس معاك تتعور

##برج_العقرب العقارب دول اغلب خلق الله وطبع الندالة اللي فيهم لانهم خوافين جدا وبيخافوا يتعلقوا بحد فبيهربوا لما يحسوا انهم هيتعلقوا بجد وبالمناسبة هما بقي عيبهم الحقيقي عكس عيب برج الدلو اللي مقلتلكوش عليه واللي مفيش ولا تعليق كان صح وهسيبكم لفضولكم ????

برج #الثور ده تكسبه بساندوتش ونقطة ضعفهم البرفيوم الحلو اغلبهم بيحبوا الاكل والطبخ بيكرهوا التغيير جدا ويموتوا في الروتين فلو عملتله حفلة عيد ميلاده مفاجئة كهدية متستغربش لو كان رد فعله مخيب للامال 

برج #الجدي دول اتخلقوا علشان يشتغلوا وبس عايز تكسبه كرمشله خمسين جنيه في ايده او كلمه عن الشغل بس ده بقي حضرتك برج ازمة منتصف العمر يمشوا زي الشاويش طول عمرهم وبعدين يصيعوا ع كبر 

#برج_السرطان..دول بقي ميغركوش جو السهتنة بتاعهم ده في دراسة علمية اكدت ان اغلب السفاحين والقتلة المتسلسلين بينتموا لبرج السرطان وده لان القمر بيحكمهم وبيقلب مزاجهم وحساسيين جدا ومبينسوش ابدا الحاجات اللي حصلت من 50 سنة لكن هينسي معادك معاه بعد ربع ساعة عادي ..ملوك الدراما بس لو وجهوا ده صح بيبقوا مبدعين وفنانين

#برج #الحوت ده بقي البرج اللي بيموت وهو مقالش للي بيحبه انه بيحبه..برج عنده طولة بال تجيب الضغط وكتوم جدا صعب مهما كنت متخيل نفسك ذكي انك تفهم طبيعته او مشاعره ..مشكلتهم انهم بيحبوا الخيال اكتر من الواقع يعني عنده استعداد يعيش في احلام اليقظة ولا انه ياخد اي مبادرة حقيقية ..دراسة تانية اكدت ان اغلب المعمرين بيكونوا من برج الحوت وطبيعي ده الكائن الاقدم ع الكوكب

تاني الكلام مستحيل ينطبق ع الكل وكل واحد فينا له خريطة فلكية تخليه ميتشابهش مع اخوه التوأم ذات نفسه