شهر مميز لمواليد برج الحوت

اليوم طاقته حلوة وخفيفة..دماغنا زي الكومبيوتر قادرة تنجز اي شغل ..افكار واضحة وقوية ..الناس اللي شغلها معتمد ع الابداع او الكتابة يوم ولا اروع الصراحة..

#الزهرة "السعد الاصغر" كوكب الحاكم ع مشاعرنا دخلت بسلامة الله بيت شرفها وسعادتها برج الحوت وهتقعد فيه 25 يوم هتقابل فيه كوكب السعد الاكبر وده يعني شهر مميز جدااااا لمواليد #برج_الحوت الحظ كله والتوفيق عندهم ومعاهم مواليد #السرطان و #العقرب ...وباقي الابراج كلها هيلاحظوا تحسن جانب واحد من الحياة ع الاقل يعني لو بئالك شهر تعبان هتحس بتحسن لو بئالك فترة بتدور ع شغل ممكن ربنا يوفقك ..لو متخاصم مع حد ممكن تتصالحوا ..المهم ان كلنا هيعدي علينا نسمة حلوة ع حسب وجود برج #الحوت في خريطتك الفلكية.."قلت قبل كده ان ال12 برج موجودين في خريطة كل واحد"

المهم ان الوقت مناسب جداااا للصلح بين المتخاصمين...لبداية علاقات جديدة...لبدء مشروع جديد...للارتباط ..الدنيا هتتحرك شوية في البيع والشرا 

اهم حاجة لازم تخلوا بالكم منها النهاردة ولشهر قدام انكم تكون عقلانيين متكبروش وتضخموا كل حاجة وتبنوا امال واسعة اوي ...مش كل كلمة حلوة صادقة ومش كل وعد حقيقي ..الكلام هيبقي حلو بزيادة والوعود كتير بس لازم تشغلوا عقلكم متسلموش الموضوع لمشاعركم وبس

 

لسه اقتران #زحل و #المريخ" النحيسين" مغيم ع الاجواء مسبب للبعض اكتئاب واحباط وربما مشاكل وخناقات وتحديدا في الشغل  هيقل تاثير ده تدريجيا لحد نص ابريل

اكيد امبارح ومكمل النهاردة تقلب واضح في المزاج ده شغل قمر #الجوزاء

الوقت مش مناسب لاي عمليات جراحية

مناسب للسفر بس خلي بالكم كالعادة وانتوا سايقين

ممكن تلاحظوا عند كتير مشاكل في الحلق والجهاز التنفسي من امبارح

الاحلام كمان مرة الاحلام رغم اللخبطة اللي فيها بس فيها رسايل مهمة

الجو روحاني جدا مش لانه رمضان وبس لكن لان #رمضان جاي السنة دي في اقتران فلكي نادر بياثر ع الروحانيات بشكل قوي وقت مناسب للتعافي والتشافي من اي مشاكل روحية ونفسية وعقد الطفولة ..مناسب لكل اللي بيمارسوا التأمل والعلاج الطاقي..اقروا قران بنية التشافي والتعافي وفتح البصيرة هتتفاجؤوا باللي بيحصلكم والله

وزي كل نشرة الطاقة دي طاقة عامة بتأثر ع الكل بتختلف باختلاف وجود الكواكب دي في خريطتك الفلكية 

 

#نشرة_اخبار_الكواكب