هيجيلك وقت هتقول للحمار انت صح وهتقول للكداب و انت عينك في عنيه انا مصدقك وهتقول للخاين انا مبثقش غير فيك وهتقول للمختلف معاك انت اللي بتفهم .. مش هتناقش ..ولاتدخل في جدالات ولا تواجه كداب بكدبه ولاخاين بوعده ..لا هتسأل غايب عن سبب غيابه ولا صاحب عن سبب تغييره ولا حبيب عن بعده... مفيش خسارة مفيش مكسب..مفيش حد فارق ..بتراقب اللعبة من بعيد وانت ساكت ...مستني الطوفان وانت بتعمل مركب ورق..مش فارق معاك تاخد لقب بطل الحكاية ولا تمثال المواطن المثالي ....المرحلة السحرية دي من السلام النفسي مبتوصلهاش بمزاجك ولا بيوصلها اي حد ..دي بتوصلها بعد ما تقابل الوحش وتعدي لوحدك من كل تجربة عدت علي غيرك وكسرته بعد ماتلعب دور البطولة في حكايتك وتعتزل وتقعد ع الشط تراقب اسراب السلطعون وهي بتجري ورا بعض في موسم التزاوج

#تنمية_بشرية