قبل كل نشرة دي طاقة عامة بتأثر ع الكل بشكل متفاوت بغض النظر عن برجك
النهاردة #الشمس و #القمر مقترنين في برج #الجوزاء مع تراجع #عطارد ووجود #الزهرة في #الثور ربما يكون في صلح بين متخاصمين "بس بعد شوية عتاب حلوين" لان طاقة التردد والخوف من ردود الفعل زايدة الفترة دي ورجوع علاقات من الماضي وعودة حقوق مادية متاخرة للبعض
يظل اخطاء الكلام والكتابة وسوء الفهم وزلات اللسان هي اهم مشكلة بتواجهنا الفترة دي فراجعوا كلامكم قبل ماتقولوه او تكتبوه علشان متقعوش في مشاكل
مع تربيع الزهرة لبلوتو المتراجع في الجدي علاقات كتير ممكن ترجعلكم من الماضي علشان تنهوها وينتهي تعلقكم بيهم للابد ووارد تتجدد مشاكل ع امور مادية قديمة لناس تانية وتاخير ترقيات او علاوات للبعض الاخر
ولادة #القمر الجديد اول كل #شهر هجري دايما وقت مناسب اننا نبتدي اي حاجة حابينها تستمر لفترة يعني اللي حابب يروج جيم يبدا في شغل ..كتابة رواية..يبدا مشروع لكن مع تراجع عطارد الشهر ده مش مناسب للمشروعات المالية والافضل للانتظار بعد 3 يونيو
ولادة #القمر الجديد في برج متجسد بشوفها دلالة ان الشهر هيبدا بحال وينتهي بحال مختلف لناس كتير ..يعني يكون شهر بيحمل تغييرات وكونه في برج #الجوزاء اللي حاكمه متراجع حاليا فهيكون طاقة الشهر فيها مراجعة لامور قديمة وحسمها ورسايل ومكالمات غير متوقعة
مع وجود تربيع لعطارد مع زحل بنحس بمراقبة قوية لكل اللي بنقوله واللي بنكتبه ع مواقع التواصل الاجتماعي تحديدا او من الناس اللي لها سلطة علينا ..ناس كتير بتكتب كلام وتمسحه ..رسايل وتحذفها ...بوستات وتشيلها..قلق وشك من رد فعل اللي حواليك وتردد واضح في القرارات وفي الكلام العادي ..احذروا الغرامات واي مخالفات علشان زحل مبيفوتش
زيادة في ادوار البرد ومشاكل الجهاز التنفسي و احساس بالقلق والعصبية والخوف الغير مبرر
مع وجود #الزهرة في #الثور نفسكم مفتوحة بزيادة وبتصرفوا كتير ع الاكل ومواد التجميل خلي بالكم علشان بتنسوا فلوسكم كتير وتنسوا صرفتوها في ايه وبتحسوا كانها بتنقص باستمرار من غير ماتصرفوها
#نشرة_اخبار_الكواكب
2
-2
