نيجي بقي لشكوتكم العامة من الارهاق والاجهاد البدني ورغبة النوم اللي للاسف هتزيد كمان الاسبوع الجاي فانا قلت احذركم من بدري ...

اولا يوم 15 مايو في خسوف كلي للقمر في برج #العقرب وهنتكلم عنه في وقتها بس لازم تفهموا ان اكتر كوكبين بياثروا علينا نفسيا وجسديا وطاقيا هما الشمس والقمر دي مش محتاجة نظريات علمية دي محتاجة بني ادم عادي درس المد والجذر وتاثير الشمس ع حياتنا وهو في ابتدائي..والكسوف والخسوف بيتسبب لحجب طاقة الكوكبين دول عن الارض لمدة ثواني وعلشان كده تاثيرهم قوي جدا وبيستمر ايام واسابيع 

ثانيا بقي من امبارح بالليل تقريبا #الشمس بدات تربيع مع #زحل هيستمر الاسبوع الجاي كله ودي طاقة ثقيلة جدا  هتكون سبب ان كتير يحسوا بألم غير مبرر في العضم وتكسير في الجسم وزيادة في الاحساس بالبرد او الانزعاج الواضح من تقلب الحرارة

ميل للافكار المتشائمة والسوداوية ومشاكل في ثقتك بنفسك وانك محققتش اي حاجة في حياتك وهيكون في ميل واضح للانعزال بسبب عدم الثقة وافكار غامقة كده من نحية الاخرين كل دي طاقات عابرة اتعاملوا معاها بهدوء ومتستلموش ليها 

هتتفاجؤوا بكل الحاجات المتأجلة بتطلعلكم لسانها تحديدا في الشغل وده ممكن يسبب مشاكل وخلافات في اماكن شغلكم

تجنبوا المشاكل بينكم وبين اهلكم تحديدا  مع "الاب" الفترة الجاية 

ممكن نواجه تعطيلات في امور كتير او الامور متمشيش زي ماحنا مرتبين لها  

انا عارفة انها طاقة تقيلة بس انت بتعرف علشان تتتكيف معاها علشان متستسلمش ليها مش علشان تفضل تندب وتولول هي الطاقة التقيلة دي هتخلص امتي؟ 

ارفعوا طاقتكم بامور كتير ابسطها انكم تقروا قران او اي كلام مقدس في كتبكم ...اشربوا مية كتير ..ابعدوا عن مصادر الطاقة السلبية ..اهتموا بوجود نباتات وزرع في البيت وربوا حيوانات لو سمكة لطيفة هتفرق في طاقتكم..الناس اللي عندها نقص فيتامين د بيتاثروا اوي بالطاقة دي اكتر من غيرهم ...اتصلوا بالطبيعة اكتر والاهم تدبروا الكون وظواهره صاحبوه واعترفوا بقوته اللي رغم كل التطور التكنولوجي شوية تحركات كوكبية او ظواهر طبيعية بسيطة بتحطك في حجمك الطبيعي ..ربنا خلق الظواهر دي كلها علشان تتدبرها وتحس بحجمك قصاد ملكه فبلاش برطمة  وندب ع ايامكم علشان بتزود احساسكم السلبي وبس

طبعا ده تأثير عام ع الكل بشكل متفاوت ولكن اكثر المتأثرين بالطاقة دي برج الاسد والجدي والدلو  والثور والعقرب

#نشرة_اخبار_الكواكب