#القمر في #السرطان بيربطنا بالعيلة وبيقلب ذكريات طفولتنا وده بيظهر في كلامنا واحلامنا كمان..كتير ممكن يجيلهم مكالمات او رسايل مفاجئة من اصحابهم ايام الطفولة او الدراسة واشتياق واضح للام تحديدا والناس اللي طفولتها كانت سيئة او فيها مشاكل برضه هتتقلب عليها يالا انتوا ولاد حلال وتموتوا في النكد 

بيزيد رغبتك تكون في البيت اكتر واهتمام واضح بالبيت وتنظيمه وترتيبه وبيزيد تفكيرك واحلامك في انك تمتلك بيت  

#القمر النهاردة تربيع المشتري مش احسن وقت تشتري فيه حاجات مهمة ولا وقت مناسب لشحن حاجات مهمة بضايع او شغل 

هيزيد رغبتكم في الاكل اوي وتحديدا الحلويات وهتزودوا رمرمة وانتخة وطلبات الدليفري هتزيد و معدتكم هتزعلكم تحديدا الناس اللي عندها مشاكل او حساسية معدة انا حذرتكم اهو

مع وجود #الزهرة في #الحمل بيزيد اوي اهتمامنا بنفسنا والايجو بيبقي زايد اوي وهتلاحظوا الناس طول الوقت حابة تتكلم عن نفسها واي استفزاز هزار ممكن يقلب جد لان الناس بتكون عندها احساس زايد بنفسها طول الشهر ده ومع تراجع بلوتو هتكون ردود الافعال غبية و مشاكل الغيرة ومحاولات فرض السيطرة هتزيد جدا وهيحصل بسببها انفصالات كتير

وارد يرجعلكم فلوس او ديون متاخرة ليكم عند حد بشكل مفاجئ ..رسايل مفاجئة وغير متوقعة من ناس نسيتوهم

مع تربيع #القمر للزهرة ممكن ده يقلب مشاكل صحية كتير  خاصة مشاكل الستات الصحية والهرمونية وهيبقي عندكم رغبة تصرفوا فلوس كتير ع مستحضرات التجميل والعناية بالبشرة وممكن ناس تفكر تعمل اجراءات تجميل

ميل واضح لدخول مغامرات عاطفية من باب الفراغ والزهق تحديدا الشباب "نلم نفسنا الكواكب فضحاكم "

عودة ناس كتير من الماضي هيكون واضح جدا الفترة دي ول 5 شهور قدام بسبب تراجع بلوتو ..دي بتكون فرصة علشان تتاكدوا انكم اما تقفلوا الباب وراهم للابد بلا رجعة او تدولهم فرصة تانية كل واحد بقي وظروفه بس احذروا الدرس اللي خدتوه ومتعلمتوش منه علشان المرة دي هيبقي ايده تقيلة

#الشمس لسه مقترنة باورانوس الموجود في #الثور  بيت المال والبنوك والبورصات وزي ماقلتلكم من اسبوع في تركيز ع الاخبار الاقتصادية وتغييرات ومفاجئات كتير "يهدها الكواكب"

وزي كل نشرة دي طاقة عامة تاثر ع الجميع بشكل متفاوت ملهاش علاقة ببرجك

#نشرة_اخبار_الكواكب