#القمر اخيرا خرج من بيوت #زحل كانوا 5 ايام تقال حقيقي وبيدخل النهاردة بيت شرفه في برج #الحوت

حقيقي القمر خارج مشحون بطاقة زحل كئيب وده هيستمر لحد الضهر وبعد كده الطاقة هتخف بالتدريج

القمر في #الحوت خيالي وروحاني طاقته اخف اكيد لكنه مشحون حاليا بطاقة ذكريات الماضي وتأنيب الضمير والاشتياق لناس بعيدة مع اقتران كايرون بالمريخ متهربوش من المشاعر دي سيبوها وتفاعلوا معاها عيطوا صرخوا لحد ماتخلصوا منها دي فرصة تعافي نفسي قوية جدا

طبيعي احلامكم الفترة دي زي اللي ضاربين حباية الفيل الازرق واغلبها بأشخاص من الماضي فيها رسايل كتير واشارات بس الكوابيس كبروا دماغكم منها

الشمس في زاوية سعيدة مع القمر وده بيخلي فرصة للتسامح وللصلح بين المتخاصمين وحل مشاكل اتسببتوا فيها الكام يوم اللي فاتوا

الزهرة كوكب #المال والعاطفة مضروبة بالنار من زحل وده سبب اغلب المشاكل والانفصالات العاطفية بس في نفس الوقت ومع تراجع زحل بترجعلكم او تظهر في حياتكم ناس قديمة انتبهوا للدروس اللي جاية منهم وده مش وقت مناسب لفتح حساب جديد في بنك او لشرا عقار ولا لاي اجراء تجميلي رسالة الزاوية دي حبوا نفسكم وقدروها زي مابتحبوا الطرف التاني

 

#الشمس تربيع نبتون والمشتري وقلنا ان الزوايا دي مطولة شوية وزي ماشفنا اثرها بدأ يبان ناس مشهورة تقول تصريحات غريبة وبما ان نبتون بيمثل الهوية والدين فهتلاقوا اغلب المشاكل بسبب ازمات لها علاقة بالاتنماء سواء لعقيدة او وطن او نادي كورة وهتتحول الخلافات بسرعة لتريندات لانها عادة هتكون لمشاهير

القمر تربيع عطارد تجنبوا المشاكل بسبب سوء فهم الكلام وراجعوا كلامكم قبل ماتكتبوه وايميلاتكم وارد يكون فيه مشاكل تظهر في العربيات والموبيلات والنت بدون اي سبب

اهتموا جدا تطلعوا صدقات الفترة دي تحديدا اللي عندهم مشاكل مالية او عاطفية ويفضل تكون لكبار سن و في ايام سبت واقروا سورة الفيل يوميا بنية تحسين وضعكم المادي

كام واحد فيكم خبط صوابع رجله النهاردة ؟!

#نشرة_اخبار_الكواكب