#القمر في برج #الجوزاء من امبارح ومقترن بعطارد #كوكب التفكير والتواصل وطبعا ده سبب في زيادة للتواصل بين الناس سبحان الله جاي متزامن مع #العيد فاكيد جالكم مكالمات غير متوقعة او رسايل من ناس من زمان مبيتكلموش و رغبة في السفر وتفكير كتير فيه...
#الزهرة السعد الاصغر كوكب الجمال والمشاعر بدات موسم جديد خرجت من #الحوت ودخلت #الحمل لمدة 25 يوم علشان تاخد طبعه المتهور والمندفع واللي هيكون له تاثير علي علاقتنا العاطفية لمدة شهر كامل
بدخول #الزهرة للحمل بعد ما انتهت علاقات كتير خلال الشهرين اللي فاتوا وقلنا سببه ايه وان ده طبيعي علشان تتخلصوا من العلاقات الغير حقيقية كتير هيدخلوا علاقات جديدة خلال #مايو باندفاع واضح تحديدا بقي ان عطارد في الجوزاء بيته فالكلام الحلو هيبقي كتير و المشاوير رايح جاي هتبقي خفيفة ع قلبكم بس خلي بالكم بقي ..#زهرة #الحمل مش مشاعر حقيقية ع اد ماهي مدفوعة بمشاعر جسدية وجنسية واي كلام حلو هيغلفها وراه ذئاب بشرية ..فالكابتن اللي هناك والانسة اللي جنبه اوعي حد يقولك تعالي اوريكي ساعتي اللي بتنور تروحي معاه ..الشباب من #برج_الحمل والأبراج النارية عموما قضوها جيم الشهر ده وهتبقوا كويسيين
هيكون مشاعر الغيرة والتملك واضحة جدا واغلب الخناقات هتكون بسببها
زي ماقلتلكم الشهر ده هيظهر ناس جديدة في حياتكم ووارد يرجع ناس برضه بعيدة تحت تاثير تراجع بلوتو اللي بيفاجئكم بتصرفات ناس كتير فخليكم فايقيين وافرزوا نوايا الناس قصادكم ومتتخدعوش بالشات الطويل والمكالمات اللي بالساعات علشان دي كواكب شريرة مأثرة ع هرموناتهم والوقت هو الاختبار الحقيقي الوحيد لنوايا الجميع
#الزهرة في #الحمل هتخليك اناني ومهتم بمظهرك ورغباتك اكتر وتصرفوا كتير ع اللبس وع تحسين شكلكم الخارجي الشهر ده
#الحمل هو وبال #الزهرة يعني بيت سئ ليها لكن لكل مكان بيدخله الكوكب درس وتجربة مهمة وفايدة بتعرفها وتستفيد منها طول مانت فاهم تاثير ده عليك وع اللي حواليك وفي نفس الوقت هتجيبلك شوية حظ حلوين في البيت اللي فيه #برج الحمل في خريطتك الفلكية
هتلاحظوا زيادة في جرايم التحرش والعنف الجسدي والجنسي خلال الشهر ده
ممكن تزيد الام الاكتاف والذراعين ومشاكل الجهاز التنفسي خلال اليومين دول
وزي كل نشرة دي طاقة عامة بتأثر علينا كلنا بشكل متفاوت وملهاش علاقة ببرجك
#نشرة_اخبار_الكواكب
2
-2
