اولا قمر #الجوزاء بيحب الرغي  واجتماعي وبيحب الكلام مع الكل بس هنميل اكتر نتكلم او نتواصل مع اخواتنا الاصغر مننا او قرايبنا وفي وجود اقتران بين كوكب #عطارد حاكم  #الجوزاء بالشمس ده هيخلي قدرتنا ع التعبير عن نفسنا كويسة وهنعرف نختار الكلام كويس مناسب جدا لاي مناقشة تحديدا في الشغل او المشاريع الجديدة ...مناسب للبدايات الجديدة ..مناسب جدا للناس اللي بتشتغل في الكتابة و #الصحفيين و المحاضرين وبتوع الكورسات...واللي بيشتغلوا في الموبيلات هيكون عندهم رواج خلال اليومين دول

قمر #الجوزاء زي الجوزائيين متقلب ومودي ومزاجه كل ساعة بحال وده هيكون تأثيره برضه علينا ساعة تروح وساعة تيجي 

#القمر مربع مع  #كوكب_الزهرة وفي نفس الوقت عامل زاوية سعيدة مع بلوتو  وده هيخلينا حساسين زيادة عن اللزوم وهنكبر كل كلمة او احساس وبيقلب مشاعر الاشتياق لناس اختفت من حياتنا  وانجذاب مفاجئ لاشخاص معينة من غير مناسبة فنعقل كده كلها ساعات وتبقوا زي الفل

المهم نخلي بالنا جدا من كلامنا مش كل اللي يجي ع بالنا نقوله علشان الرغبة في الرغي والفضفضة هتكون زايدة

سهل جدا تبدأوا تتعلموا اي حاجة جديدة خلال اليومين دول استياعبكم هيكون افضل

نيجي بقي لاقتران #زحل و #المريخ اللي زي ماقلت واحدة من اتقل الزوايا الفلكية  اللي هتفضل مكملة معانا لنص الشهر  ومأثرة علينا  كلنا بس اكتر المتاثرين بيها الاسد والدلو لكن في العموم هي عاملة جو شحن واستفزاز واكتئاب واحباط عند البعض الاخر..خناقات كلام جارح ...تصرفات طايشة وانا كتبت في نشرة امبارح نتعامل معاه ازاي

#الزهرة كوكب السعد الاصغر هينضم لكوكب السعد الاكبر #المشتري في برج  #الحوت وده هيغير كتير من ركود العلاقات العاطفية الفترة اللي فاتت و هيجيب حظوظ مادية كويسة تحديدا لمواليد #الابراج المائية وكمان هيفتح نفسنا ع الشرا بس زي مانتوا عارفين احنا مفلسين فنلم ايدنا علشان منشحتش كلنا 

ناس كتير النهاردة ممكن تتصالح مع اهلها خاصة اللي عندها مشكلة مع الاب بعد خناقة صغننة وده ممكن يكون فيه تصفية مشاعر او مشاكل قديمة

لسه الام العظام مكملة شوية  بس هيزيد معاهم ممكن عند البعض الام في الصدر او مشاكل في الجهاز التنفسي ..برضه يومين وهيعدوا

اللي مش فاهم تاثير قران زحل والمريخ وتحذيراته هيلاقيه بالتفصيل في نشرة امبارح

وزي كل نشرة وغلاوة الكواكب دي عندي ده تاثير عام ع الكل ملوش علاقة ببرجك بيختلف تأثيره ع حسب تواجد #الكواكب دي في خريطتك الفلكية

#نشرة_اخبار_الكواكب