قمر الأسد يزيد نسبة الأزمات القلبية

القمر في الاسد لمدة يومين ونص وعادة قمر الاسد فرفوش وكتير هيفكروا يروحوا سينما او مولات بعد اليومن اللي فاتوا اللي كانت طالبة اكل وانتخة في البيت بس ده بيكون النهاردة بس لان بكرة الطاقة بتتقل شوية لما القمر يبقي في معارضة زحل 

قمر الاسد بيزود رغبتنا في التواصل بلا هدف مجرد تقضية وقت لطيف وبس لكن وجود الزهرة وعطارد في #الجدي هيحكم ده شوية لان لاخر الشهر التواصل دايما هيكون وراه سبب او مصلحة او ع الاقل مش هنضيع وقتنا الا في اي شئ جدي وله معني 

احلامكم خلال اليومين دول باطفالكم او اطفال العيلة وناس بتحلم انها حامل او بتولد لاء عادي دي الكواكب بس والبعض برضه هيحلم برؤساء او مشاهير

لحد 23 ديسمبر وقت مناسب تاخدوا اي قرار يخص استثمار او مشروع ومناسب لشراء الحاجات الغالية ومناسب للبيع والشرا بشكل عام بعد كده عطارد هيتراجع وهيقترن ببلوتو ودي هتكون فترة لا تصلح اطلاقا لاي استثمار او شرا او بيع

الشمس في معارضة المريخ وده بئاله حوالي اسبوعين ولسه مكمل حوالي 10 ايام مسبب عصبية واضحة لمواليد الاسد والحمل والقوس بشكل خاص فلو بتتعامل مع حد من الابراج دي نصيحة ابعد وشك عن ايده وانت بتكلمه لانهم لا طايقين نفسهم ولا طايقينك

دخول عطار والزهرة حاليا في برج الجدي بيجيب حظوظ كويسة للابراج الترابية والمائية وع راسهم الجدي والسرطان الا لو عندككم كواكب نحيسة في الابراج دي فالنتيجة هتكون العكس خناقات واعطال في اجهزة كهربائية او عربياتكم ومصاريف زايدة فعلي حسب ال3 ايام اللي فاتوا هتفهم الشهر ماشي معاك ازاي كويس ولا تلم نفسك في قوقعتك

الشمس تربيع المشتري في #الحوت لاخر الشهر الخلافات ع السوشيال ميديا بتكون لاسباب عرقية او دينية وشيوخ او عاملين بمجال التعليم او القضاء ممكن يتصدروا التريندات وبيزيد حوادث التسمم او القضايا الخاصة بالمخدرات

قمر الاسد بيزود فرص التعرض للازمات القلبية فاللي عندهم اي مشكلة بالقلب ياريت ينتبهوا وتحديدا لو عندك حد كبير في السن